امریکا، نیشنل گارڈ کی تعیناتی کیخلاف الی نوائے کا عدالت سے رجوع

منگل 7 اکتوبر 2025 13:10

واشنگٹن (اُردو پوائنٹ اخبارتازہ ترین - این این آئی۔ 07 اکتوبر2025ء) امریکا کی ریاست الی نوائے اور شکاگو شہر نے ٹرمپ انتظامیہ کو نیشنل گارڈ کی تعیناتی سے روکنے کے لیے وفاقی عدالت کا دروازہ کھٹکھٹا دیا۔ الی نوائے کے گورنر جے بی پریتزکر نے صدارتی اقدام کو یلغار قراردیا ہے۔

(جاری ہے)

ریاست کے گورنر نے کہا کہ ٹرمپ نے اس یلغار کا آغاز وفاقی ایجنٹس بھیج کر کیا تھا اور ہماری خواہشات کے برعکس اب جلد ہی وفاقی اہلکار تعینات کیے جارہے ہیں جس میں دوسری ریاست کے فوجی دستے یہاں بھیجا جانا بھی شامل ہے۔

ان کا کہنا تھا کہ نیشنل گارڈ کی تعیناتی فوجی قبضے کا پیش خیمہ ہوسکتا ہے۔دوسری جانب صدر ٹرمپ نے اعلان کیا کہ وہ الی نوائے کی مخالفت کے باوجود سیکڑوں نیشنل گارڈ ریاست بھیجیں گے جن میں سے بعض ٹیکساس سے الی نوائے منتقل کیے جائیں گے۔