پنجاب پولیس کے آئی جی پی 1787 کمپلینٹ سینٹر نے رواں سال ایک لاکھ شکایات کو حل کیا، ترجمان

بدھ 8 اکتوبر 2025 11:00

لاہور (اُردو پوائنٹ اخبارتازہ ترین - اے پی پی۔ 08 اکتوبر2025ء) پنجاب پولیس کے آئی جی پی 1787 کمپلینٹ سینٹر نے رواں سال موصول ہونے والی ایک لاکھ 12 ہزار سے زائد شکایات کو حل کر لیا ۔ ترجمان پنجاب پولیس کے مطابق مقدمات کے اندراج کی 49 ہزار سے زائد، سست تفتیش کی 31 ہزار سے زائد شکایات حل کی گئیں، پولیس سروسز سے متعلق 5 ہزار 700 سے زائد، محکمانہ معاملات و دیگر سے متعلق 900 سے زائد شکایات حل کیں۔

ملزمان کی گرفتاری سے متعلق 6814، ریکوری سے متعلق 12415، ناقص تفتیش کی 6150 شکایات حل کیں۔

(جاری ہے)

جھوٹے مقدمات کی منسوخی سے متعلق 3052، تبدیلی تفتیش سے متعلق 1832 شکایات حل کی گئیں۔ترجمان کے مطابق 1787 درخواستوں پر داد رسی کے ذریعے 1262 مغویوں کی بازیابی عمل میں لائی گئی۔ آئی جی پنجاب کا کہنا ہے کہ سائلین پولیس اہلکاروں کے خلاف کسی بھی شکایت کی صورت میں 1787 کمپلینٹ سینٹر پر بلا جھجھک رابطہ کریں، شہریوں کی جانب سے موصول ہونے والی شکایات کو ایس او پیز کے مطابق مقررہ ٹائم لائن کے اندر حل کیا جاتا ہے، 1787 آئی جی پی کمپلینٹ سینٹر کی کارکردگی زیادہ موثر بنانے کے لئے مانیٹرنگ مزید فعال کی گئی ہے،ڈی پی اوز 1787 کمپلینٹ سسٹم پر موصولہ شکایات کے فوری ازالے کے لئے معاملات کی خود مانیٹرنگ کریں۔