امیر بالاج ٹیپوقتل کیس، عقیل عرف گوگی بٹ کی عبوری ضمانت میں توسیع

بدھ 8 اکتوبر 2025 11:20

لاہور (اُردو پوائنٹ اخبارتازہ ترین - اے پی پی۔ 08 اکتوبر2025ء) لاہور کی سیشن عدالت نے اندورن شہر لاہور کی معروف کاروباری شخصیت امیر بالاج ٹیپو قتل کیس میں نامزد ملزم عقیل عرف گوگی بٹ کی عبوری ضمانت میں13 اکتوبر تک توسیع کر دی۔

(جاری ہے)

ایڈیشنل سیشن جج نجف حیدر نے بدھ کو کیس کی سماعت کی۔ عبوری ضمانت کی معیاد ختم ہونے پر عقیل عرف گوگی بٹ عدالت میں پیش ہوئے اور اپنی حاضری لگائی ۔عدالت کو بتایا گیا کہ مدعی کے وکیل ہائیکورٹ میں مصروفیات کے باعث پیش نہیں ہو سکے۔ عدالت نے وکلا کو دلائل مکمل کرنے کے لیے آخری موقع دیتے ہوئے سماعت 13 اکتوبر تک ملتوی کر دی۔