Live Updates

پنجاب میں دو سالوں میں زراعت تباہ ہوچکی ، گندم میں 17سو کروڑ کا فراڈ ہے

پنجاب میں پیپلزپارٹی اتحادی ہے کیا وزیراعلیٰ نے کبھی اعتماد میں لیا؟یہ شاید سمجھتے کہ وائسرائے بن گئے ہیں۔رہنماء پیپلزپارٹی ندیم افضل چن

ثنااللہ ناگرہ منگل 7 اکتوبر 2025 23:15

پنجاب میں دو سالوں میں زراعت تباہ ہوچکی ، گندم میں 17سو کروڑ کا فراڈ ..

اسلام آباد ( اردوپوائنٹ اخبار تازہ ترین۔ انٹرنیشنل پریس ایجنسی۔ 06 اکتوبر 2025ء ) مرکزی رہنماء پیپلزپارٹی ندیم افضل چن نے کہا ہے کہ پنجاب میں دو سالوں میں زراعت تباہ ہوچکی ، گندم میں 17سو کروڑ کا فراڈ ہے،پنجاب میں پیپلزپارٹی اتحادی ہے کیا وزیراعلیٰ نے کبھی اعتماد میں لیا؟ کسان بار بار کہتے رہے کہ فصلیں تباہ ہورہی ہیں، کسانوں نے بلاول بھٹو سے کہا کہ ریلیف دلائیں۔

انہوں نے جیو نیوز کے پروگرام میں گفتگو کرتے ہوئے کہا کہ پنجاب میں لوگوں کی سیاسی جماعتوں کے ساتھ توقعات ہیں، بلاول بھٹو جب قصور آئے تو مریم نواز کی تعریف کی، ن لیگ کے لوگوں کو فون کئے کہ سیلاب متاثرہ علاقوں میں انتظامیہ حکومت کو بے وقوف بنا رہی ہے۔پنجاب میں دو سالوں میں زراعت تباہ ہوچکی ، گندم میں 17سو کروڑ کا فراڈ ہے۔

(جاری ہے)

ہم اور کسان بار بار کہتے رہے کہ فصلیں تباہ ہورہی ہیں، کسانوں نے بلاول بھٹو سے کہا کہ ریلیف دلائیں، ہم پنجاب میں اتحادی ہیں کیا وزیراعلیٰ نے کبھی اعتماد میں لیا؟یہ شاید سمجھتے ہیں کہ وائسرائے بن گئے ہیں۔

ذوالفقار بھٹو اور بے نظیر بھٹو نے عوام کیلئے جان دی پیپلزپارٹی کو ہلکا نہ لیں۔اس موقع پر پروگرام میں رہنماء ن لیگ طارق فضل چوہدری نے کہا کہ سیاسی جماعتوں کے ساتھ ہلکی پھلکی موسیقی چلتی رہتی ہے، ہم نے سیاسی ساکھ متاثر کرکے ملک کو ڈیفالٹ سے بچایا۔ آج پاکستان کو عالمی سطح ہر کامیابیاں مل رہی ہیں، ن لیگ اور پیپلزپارٹی کا ملک کے بہتر مفاد میں اتحاد قائم رہے گا، ن لیگ اور پیپلزپارٹی کی سینئر قیادت کے درمیان تعلق ہے کوئی دوری نہیں۔

کسی کو شک ہے کہ پی پی اور ن لیگ میں دوری پیدا کرسکتاہے تو وہ شک دور کرے۔ مزید برآں پاکستان پیپلزپارٹی کے سینیٹر سابق وزیر مملکت برائے قانون و انصاف سنیٹر شہادت اعوان سنیٹر پلوشہ خان،سنیٹر وقارمہدی اور سنیٹر مسرور احسن نے پی پی پی سنٹرل سیکریٹریٹ میں پیر کے روز ایک پریس کانفرنس سے خطاب کیا۔ سینیٹر پلوشہ خان نے کہاکہ ملک سیلاب اور قدرتی آفات کا شکار ہے۔

ہم پنجاب حکومت کی صوبائیت سے متعلق بیانات کا جواب میڈیا کے ذریعے دے رہے ہیں۔پی پی پی وفاق کی علامت ہے اور صوبوں میں مینڈیٹ ہے۔ پنجاب کسی ایک پارٹی کی جاگیر نہیں ۔ سینیٹر پلوشہ خان نے کہا کہ پیپلزپارٹی سے مخالفت اس بات پر ہے کہ شہبازشریف کو کیوں منتخب کیا۔ صدر آصف علی زرداری 2014 میں ن لیگ کے مشکل وقت پر جاتی عمرہ گئے۔ انہوں نے کہا کہ ن لیگ والے بلاول بھٹو زرداری اور آصفہ بھٹو زرداری پر تنقید کر رہے ہیں اور ن لیگ اپنے گھر کی لڑائی کا الزام پی پی پی پر نہ ڈالے۔

ہم انکے گھر کی لڑائی میں آنا نہیں چاہتے ہیں۔ پنجاب حکومت کو شہباز شریف اپنی کرسی پر بیٹھے اچھے نہیں لگتے۔ جب ن لیگ پر مشکل وقت آیا تو بلاول بھٹو زرداری نے آواز اٹھائی تھی۔ کراچی میں مشکل وقت میں بلاول بھٹو زرداری نے بات کی تھی۔اگر ہماری بات کا جواب دیا تو بات بزرگوں تک چلی جائے گی۔