Live Updates

پتوکی،پنجاب حکومت کے نام فرضی ٹھیکیدار کی بجلی کے نئے کنکشن کے نام پر ٹیسٹ رپورٹ کے زریعے عوام سے لوٹ مار جاری

بدھ 8 اکتوبر 2025 23:00

پتوکی (اُردو پوائنٹ اخبارتازہ ترین - آن لائن۔ 08 اکتوبر2025ء) پنجاب حکومت کے نام فرضی ٹھیکیدار کی بجلی کے نئے کنکشن کے نام پر ٹیسٹ رپورٹ کے زریعے عوام سے لوٹ مار جاری ٹھیکیدار نے ایک فرضی ٹیسٹ رپورٹ کی قیمت 100روپے سے بڑھا کر 700,1000 روپے کردی شہریوں کا بجلی کے نئے کنکشن کے نام پر فرضی ٹیسٹ رپورٹ ختم کرنے کا مطالبہ ۔

(جاری ہے)

لیسکو لاہور ڈویژن کے ایریا قصور کی ڈویژن پھولنگر اور سب ڈویژن پتوکی ،پھولنگر ،جمبر، ،ہلہ،سرائے مغل کے گردو نواح میں پنجاب حکومت کے نام فرضی ٹھیکیدار کی بجلی کے نئے کنکشن کے نام پر بجلی وائرنگ ٹیسٹ رپورٹ کے زریعے عوام سے لوٹ مار جاری ہے فرضی بجلی وائرنگ ٹیسٹ رپورٹ کے نام پر قومی خزانے کو بھاری نقصان ہونے لگاپتوکی احاطہ کشمیر میں بیٹھے فرضی ٹھیکیداراشرف باٹو نامی نے اپنے گھر کی بیٹھک میں ایک اڈہ بنارکھا ہے جہاں پر بجلی وائرنگ ٹیسٹ رپورٹ کی مد میں شہریوں سے گھر بیٹھے ایک ٹیسٹ رپورٹ بنانے کے 100روپے کی بجائے 700سے 800،1000روپے تک وصول کرنا شروع کردئے ہیںشہری اس فرضی ٹیسٹ رپورٹ کیخلاف سراپا احتجاج بن گئے سابق وزیر اعظم عمران خان کے دور حکومت میں جب بھی نیا ڈیمانڈ نوٹس جاری ہوتا تھا تو بجلی کے نئے کنکشن کیساتھ ٹیسٹ رپورٹ لاگو نہیں تھی اور متعلقہ بنک بغیر رپورٹ بجلی کا نیا ڈیمانڈنوٹس جمع کرلیتے تھے جبکہ لیسکو حکام پتوکی نے الیکٹرک انسپکٹریٹ ٹیسٹ رپورٹ سے ملی بھگت کرکے بجلی کے نئے ڈیمانڈ نوٹس کے ساتھ ٹیسٹ رپورٹ لازمی قرار دے رکھی ہے جبکہ اس ٹیسٹ رپورٹ کا محکمہ کو کوئی فائندہ نہیں اور عوام لٹنے پر مجبور ہے اس سلسلے میں اشرف باٹو نامی ٹھیکیدار کا کہنا ہے کہ ہم نے پنجاب حکومت سے اس ٹیسٹ رپورٹ کا ٹھیکہ اور لائسنس لے رکھا ہے شہریوں نوید بھٹی ،اکمل علی کمبوہ ،چوہدری اصغر جٹ، حاجی ارشد، شوکت علی سمیت دیگر نے وزیر اعظم میاں شہباز شریف ،وفاقی وزیر پانی و بجلی اویس لغاری ،وزیر اعلی پنجاب مریم نواز شریف ،چیف لیسکو لاہور محمد رمضان بٹ سے مطالبہ کیا ہے کہ بجلی کے نئے کنشن کے نام پر اس فرضی ٹیسٹ رپورٹ کو فوری طور پر ختم کیا جائے تاکہ لوٹ مار ختم ہو اور شہریوں کو سکھ کا سانس مل سکے ۔