Live Updates

صوبائی ترقیاتی ورکنگ پارٹی کے اجلاس میں 30ارب 80کروڑ روپے کے فنڈز منظور

بدھ 8 اکتوبر 2025 19:50

لاہور (اُردو پوائنٹ اخبارتازہ ترین - اے پی پی۔ 08 اکتوبر2025ء) پنجاب پلاننگ اینڈ ڈویلپمنٹ بورڈ نے مالی سال 2025-26کے صوبائی ترقیاتی ورکنگ پارٹی کے36ویں اجلاس میں مختلف سیکٹرز کی ترقیاتی سکیموں کیلئے 30ارب 80کروڑ روپے کے فنڈز کی منظوری دے دی گئی ۔ اجلاس کی صدارت چیئرمین پی اینڈ ڈی بورڈ ڈاکٹر نعیم رؤف نے کی ۔

(جاری ہے)

اجلاس میں جن منصوبوں کی منظوری دی گئی ان میں تحصیل قادر اباد سے نورپور دو رویہ سڑک کی تعمیر کے لیے 9ارب ، چک 77 جے بی سے جے پال جھنگ روڈ فیصل آباد تک سڑک کی تعمیر و مرمت کے لیے81کروڑ ، چشتیاں سے شہر فرید تک سڑک کی تعمیر و مرمت کے لیے 1 ارب 17کروڑ ، پنسوتا چوک سے میاں بھرانوالہ فورٹ عباس روڈ کی تعمیر و مرمت کیلئے 2ارب 33کروڑ روپے ، ضلع گجرات( زون اے) میں چیف منسٹر سٹیز ڈویلپمنٹ پروگرام کے تحت سیوریج ,واٹر سپلائی اور سیلابی پانی کے نالوں وغیرہ کے لیے 8 ارب 88 کروڑ، ضلع گجرات( زون بی ) میں چیف منسٹر سٹیز ڈویلپمنٹ پروگرام کے تحت سیوریج، واٹر سپلائی اور سیلابی پانی کے نالوں وغیرہ کے لیے 8 ارب 59 کروڑ کے فنڈز کی منظوری شامل ہے۔

صوبائی ترقیاتی ورکنگ پارٹی اجلاس میں سیکرٹری پی اینڈ ڈی رفاقت علی ، چیف اکانومسٹ مسعود انور،ممبران پی اینڈ ڈی بورڈ اور متعلقہ سیکٹرز کے افسران بھی شریک ہوئے۔