وزیر اعلیٰ بلوچستان کا اورکزئی آپریشن میں شہیدہونے والے سیکیورٹی فورسز کے افسران واہلکاروں کو خراج عقیدت

بدھ 8 اکتوبر 2025 22:50

کوئٹہ (اُردو پوائنٹ اخبارتازہ ترین - اے پی پی۔ 08 اکتوبر2025ء) وزیر اعلیٰ بلوچستان میر سرفراز بگٹی نے اورکزئی آپریشن میں جامِ شہادت نوش کرنے والے سیکیورٹی فورسز کے افسران اور اہلکاروں کو خراجِ عقیدت پیش کیا ہے ۔ وزیر اعلیٰ نے اپنے بیان میں کہا کہ قوم اپنے بہادر سپوتوں کی قربانیوں کو سلام پیش کرتی ہے، شہداء نے مادرِ وطن کے دفاع میں اپنی جانوں کا نذرانہ پیش کیا، ان کی قربانیاں ہمیشہ یاد رکھی جائیں گی ۔

(جاری ہے)

انہوں نے کہا کہ لیفٹیننٹ کرنل جنید طارق، میجر طیب راحت اور دیگر شہداء نے وطنِ عزیز کی خاطر اپنی جانیں قربان کر کے بہادری اور جرات کی نئی مثال قائم کی،پوری قوم ان عظیم سپوتوں کی قربانیوں پر فخر محسوس کرتی ہے۔ وزیر اعلیٰ نے کہا کہ شہدا کے اہل خانہ کے ساتھ مکمل اظہارِ یکجہتی کرتے ہیں، ان کی قربانیوں کو کبھی فراموش نہیں کیا جائے گا ۔ انہوں نے کہا کہ دہشت گردی کے مکمل خاتمے کے لیے سیکیورٹی فورسز کے عزم اور قربانیوں کو خراجِ تحسین پیش کرتے ہیں ۔ انہوں نے اس عزم کا اظہار کیا کہ قوم اپنے شہداء کے مشن کو ہمیشہ زندہ رکھے گی اور ان کی وطن کے دفاع کے لیے دی گئی قربانیاں رائیگاں نہیں جائیں گی۔