سعودی عرب، ریاض سیزن 2025 کا باقاعدہ آغاز، افتتاحی پریڈ میں شہریوں کی بھرپور شرکت

ہفتہ 11 اکتوبر 2025 10:00

ریاض (اُردو پوائنٹ اخبارتازہ ترین - اے پی پی۔ 11 اکتوبر2025ء) سعودی عرب میں ریاض سیزن 2025 کا باقاعدہ آغاز شاندار پریڈ سے ہو گیا ہے۔ اردو نیوز کے مطابق پریڈ کا آغاز ارینا کنگڈم سے ہوا ، افتتاحی تقریب میں 25 سے زائد فلوٹس و ہزاروں فنکاروں نے شرکت کی۔اخبار 24 کے مطابق تفریحی اتھارٹی کے چیئرمین ترکی آل الشیخ نے خادم حرمین شریفین شاہ سلمان بن عبدالعزیز آل سعود اور ولی عہد و وزیراعظم شہزادہ محمد بن سلمان بن عبدالعزیز آل سعود کا خصوصی شکریہ ادا کیا جن کی سرپرستی اور بھرپور تعاون سے مملکت میں تفریحی صنعت تیزی سے پروان چڑھ رہی ہے۔

ریاض سیزن کے چھٹے ایڈیشن کی افتتاحی تقریب کے حوالے سے ہونے والی پریڈ کو تاریخ قرار دیا جا رہا ہے۔ افتتاحی پریڈ میں خواتین، نوجوانوں اور بچوں سمیت مختلف طبقہ فکر سے تعلق رکھنے والوں سے بھرپور شرکت کی۔

(جاری ہے)

افتتاحی تقریب کے سلسلے میں ہونے والی پریڈ میں ریاض سیزن کے مختلف ایونٹس اور مقامات کی نمائندگی کرنے والے فلوٹس بھی شامل تھے ،ریاض سیزن 2025 کی افتتاحی تقریب میں پہلی بار بہت بڑے غبارے متعارف کرائے گئے جن کی وجہ سے ایک منفرد منظر دیکھنے کو ملا۔قبل ازیں افتتاحی تقریب کے حوالے سے ترکی آل الشیخ کا کہنا تھا کہ سیزن کی افتتاحی پریڈ انتہائی منفرد ہوگی جسے امریکہ کی معروف کمپنی میسیزکے تعاون سے پیش کیا جائے گا۔