سفاک مودی کی اقلیت دشمنی پر قائم آمرانہ طرز حکومت کڑی تنقید کی زد میں

ہفتہ 11 اکتوبر 2025 11:25

اسلام آباد (اُردو پوائنٹ اخبارتازہ ترین - اے پی پی۔ 11 اکتوبر2025ء) بجرنگ دل تنظیم انتہا پسند مودی کے اشاروں پر متحرک ہے،مذہبی جنون کے ذریعے اقتدار بچانے کا مذموم کھیل جاری ہے، مودی کی فاشسٹ حکومت نے فرقہ واریت کو سیاسی ہتھیار بنا کر بھارت کا اصل چہرہ بے نقاب کر دیا۔تفصیلات کے مطابق مودی کی سرپرستی میں بی جے پی اور بجرنگ دل منظم انتہا پسندی کے چہرے بن چکے ہیں۔

اڈیشہ کے علاقے کٹک میں فرقہ وارانہ فسادات نے بھارت کو اقلیتوں کے لیے غیر محفوظ ملک ثابت کر دیا۔

(جاری ہے)

مغربی بنگال کی وزیر اعلیٰ ممتا بینرجی نے غاصب مودی کی نا اہل سرکار کو آڑے ہاتھوں لیتے ہوئے کہا کہ کٹک جل رہا ہے، بی جے پی ملک کو ختم کر دے گی،بی جے پی اور بجرنگ دل نے کٹک میں فرقہ وارانہ فسادات کرائے، میں نے بی جے پی جیسی مغرور اور آمریت پسند حکومت نہیں دیکھی۔

ممتا بینرجی نے کہا کہ بی جے پی آج اقتدار میں ہے، کل نہیں ہو گی،مودی راج میں اقلیتیں غیر محفوظ، بجرنگ دل اور آر ایس ایس سمیت متعدد شدت پسند تنظیموں کو کھلی چھوٹ دے دی گئی۔اقتدار کی خاطر مودی کی نا اہل سیاست نے مذہب کی بنیاد پر بھارت کو نفرت میں جھونک دیا۔مودی کے خون آلود کھیل نے نہ صرف بھارت بلکہ علاقائی امن کو بھی خطرے میں ڈال دیا ہے۔