ٹرمپ یوکرین جنگ ختم کرانے میںوہی کردار ادا کریں جو غزہ کیلئے کیا، زیلنسکی

ْ ڈونلڈ ٹرمپ کو بتایا ہے کہ روس ہمارے توانائی کے مراکز پر حملے کر رہا ہے،ٹرمپ کو ٹیلی فون

اتوار 12 اکتوبر 2025 14:50

کیف(اُردو پوائنٹ اخبارتازہ ترین - این این آئی۔ 12 اکتوبر2025ء) یوکرین کے صدر زیلنسکی نے کہا ہے کہ امریکی صدر یوکرین جنگ کے خاتمے کیلئے ویسا ہی کردار ادا کریں جیسا انہوں نے غزہ کے معاملے میں دکھایا ہے۔غیرملکی میڈیا کے مطابق یوکرین کے صدر زیلنسکی کا امریکی صدر سے ٹیلی فون پر رابطہ ہوا ۔

(جاری ہے)

ٹیلی فونک گفتگو کے دوران یوکرین کے صدر نے امریکی صدر سے کہا کہ اگر کسی ایک خطے میں امن کے قیام کے لیے اگر وہ غزہ کے مسئلے پر معاہدہ کراسکتے ہیں تو یوکرین کے مسئلے پر بھی ایسا ہوسکتا ہے۔

یوکرین کے صدر کا کہنا تھا کہ انہوں نے امریکی صدر ڈونلڈ ٹرمپ کو بتایا ہے کہ روس ہمارے توانائی کے مراکز پر حملے کر رہا ہے۔ٹیلی فونک گفتگو کے دوران یوکرین کے سربراہ نے امریکی صدر سے ٹام ہاک کروز میزائیل کی فراہمی کا مطالبہ کیا تاکہ جنگ میں وہ روس کے اندر دور تک حملے کرسکیں۔زیلنسکی نے کہا کہ امریکی صدر کی جانب سے ملنے والی حمایت پر ہم ان کے شکر گزار ہیں۔