پنجاب پولیس کے خدمت مراکز شہریوں کو ڈیجیٹل خدمات کی فراہمی میں مصروف عمل ہیں،ترجمان

پیر 13 اکتوبر 2025 11:30

لاہور (اُردو پوائنٹ اخبارتازہ ترین - اے پی پی۔ 13 اکتوبر2025ء) پنجاب پولیس کے خدمت مراکز شہریوں کو ڈیجیٹل خدمات کی فراہمی میں مصروف عمل ہیں۔رواں سال اب تک 28 لاکھ 70 ہزار سے زائد شہریوں نے خدمت مراکز سے پولیسنگ سروسز حاصل کیں۔ ترجمان کے مطابق12 لاکھ 68 ہزار 413 شہریوں نے جنرل پولیس ویری فیکیشن کروائی، 6 لاکھ 94 ہزار سے زائد شہریوں نے پولیس کریکٹر سرٹیفیکیٹ حاصل کئے، 3 لاکھ21 ہزار563 شہریوں نے کرایہ داری اندراج کروایا۔

پنجاب پولیس نے بتایا کہ ایک لاکھ34 ہزار600 شہریوں نے میڈیکولیگل سرٹیفیکیٹس حاصل کئے، ایک لاکھ7 ہزار سے زائد افراد کو قانونی و سماجی تحفظ فراہم کیا گیا،36 ہزار سے زائد شہریوں نے وہیکلز ویری فیکیشن کروائی،72 ہزار480 شہریوں نے دستاویزات کی اندراج گمشدگی، ایک لاکھ60 ہزار سے زائد شہریوں نے ایف آئی آر کی نقول حاصل کیں ،72 ویمن وائیلنس رپورٹس درج ہوئیں،68 ہزار943 شہریوں نے ایمپلائیز رجسٹریشن کروائی ۔

(جاری ہے)

آئی جی پنجاب نے کہا ہے کہ خدمت مراکز پبلک سروس ڈلیوری کا شاندار فلیگ شپ پراجیکٹ ہے جس کے تحت شہریوں کوسہولیات فراہم کی جارہی ہیں۔لاہور سمیت صوبہ بھر میں لاکھوں شہری ماہانہ پولیس خدمت مراکز کی سہولیات سے مستفید ہو رہے ہیں،انہوں نے کہا کہ شہریوں کے فیڈ بیک کی روشنی میں سروسز کو مزید اپ گریڈ کیا جارہا ہے۔