چین نے پاکستان پرامریکا کو چینی ٹیکنالوجی کے ذریعے قیمتی دھاتیں دینے کا الزام مسترد کردیا

پیر 13 اکتوبر 2025 22:53

بیجنگ(اُردو پوائنٹ اخبارتازہ ترین - این این آئی۔ 13 اکتوبر2025ء) چین نے پاکستان پرامریکا کو چینی ٹیکنالوجی کے ذریعے قیمتی دھاتیں دینے کا الزام مسترد کرتے ہوئے کہا ہے کہ پاکستان امریکا کو قیمتی زمینی دھاتیں چینی سازوسامان اور ٹیکنالوجی کے ذریعے فراہم نہیں کر رہا۔ چائنہ اکنامک نیٹ کے مطابق چینی وزارت خارجہ کے ترجمان لن جیان نے کہا کہ مذکورہ قیمتی دھاتیں درحقیقت مقامی جواہرات کے خام نمونے ہیں۔

انہوں نے کہا کہحال ہی میں، کچھ میڈیا رپورٹس میں کہا گیا ہے کہ پاکستان نے چینی آلات اور ٹیکنالوجی استعمال کرکے امریکہ کو نیاب زمینی دھاتیں برآمد کیں ، جس سے چین نے اس سے متعلق اشیاء پر برآمدی کنڑول کے نئے ضوابط کو متحرک کیاہے۔ کچھ میڈیا رپورٹس اور مضامین میں کہا گیا کہ چین نے امریکہ کے لئے پاکستان کے نیاب زمینی دھاتوں کی برآمد کے خلاف جوابی اقدامات کیے ہیں۔

(جاری ہے)

چائنہ اکنامک نیٹ کے مطابق چینی وزارت خارجہ کے ترجمان لین جیئان نے یومیہ پریس کانفرنس میں اس پر تبصرہ کرتے ہوئے کہا کہ پاکستان اور امریکہ کے درمیان معدنی تعاون کے معاملے پر چین اور پاکستان کے درمیان رابطہ تھا۔ چائنہ اکنامک نیٹ کے مطابق انہوں نے کہاکہ پاکستانی رہنمائوں نے امریکی رہنمائہں کو جو دکھایا اور پیش کیا، وہ عملے کے ذریعے خریدے گئے خام پاکستانی قیمتی پتھروں کا نمونہ تھا۔

اس لیے یہ متعلقہ رپورٹس بے بنیاد ہیں۔ یا تو ان میں حقائق کو سمجھا نہیں گیا یا پھر ان کا مقصد اختلاف پیدا کرنا ہے ۔ چائنہ اکنامک نیٹ کے مطابق چینی ترجمان کا کہنا تھا کہ چین کی جانب سے ریئر ارتھ میٹلز سے متعلق اشیا ء پر برآمدی کنٹرول کے حالیہ اقدامات کا پاکستان سے کوئی تعلق نہیں ہے اور ان کا مقصد عالمی امن اور علاقائی استحکام کو بہتر طور پر برقرار رکھنا اور عدم پھیلاؤ جیسی بین الاقوامی ذمہ داریوں کو پورا کرنا ہے۔ ساتھ ہی پاکستان نے اس بات پر زور دیا ہے کہ امریکہ کے ساتھ پاکستان کے تبادلے چین کے مفادات اور چین پاکستان تعاون کو کبھی نقصان نہیں پہنچائیں گے۔