نائب وزیراعظم اسحاق ڈار کی مصر کے وزیرِ خارجہ ڈاکٹر بدر عبدالعتی سے ملاقات

پیر 13 اکتوبر 2025 22:30

شرم الشیخ (اُردو پوائنٹ اخبارتازہ ترین - اے پی پی۔ 13 اکتوبر2025ء) نائب وزیراعظم و وزیرِ خارجہ سینیٹر محمد اسحاق ڈار نےشرم الشیخ میں غزہ امن کانفرنس کے موقع پر مصر کے وزیرِ خارجہ ڈاکٹر بدر عبدالعتی سے ملاقات کی ہے۔

(جاری ہے)

پیر کو ترجمان دفتر خارجہ کے مطابق ملاقات کے دوران دونوں رہنماؤں نے غزہ اور فلسطین میں امن، استحکام اور انسانی امداد کی فوری ضرورت پر تبادلہ خیال کیا۔نائب وزیراعظم و وزیرِ خارجہ نے غزہ امن کانفرنس کی میزبانی، خطے میں کشیدگی کم کرنے اور استحکام لانے کے لئے مصر کی اہم سفارتی کاوشوں پر شکریہ ادا کیا۔