افغان قیادت سے رابطے ، معاملات افہام و تفہیم سے حل کرنا چاہتے ہیں،مولانا فضل الرحمن

پاک افغان جنگ بندی تو ہو گئی، اب زبان بندی بھی ہونی چاہیے،سربراہ جے یوآئی کی میڈیاسے گفتگو

منگل 14 اکتوبر 2025 23:00

اسلام آباد(اُردو پوائنٹ اخبارتازہ ترین - این این آئی۔ 14 اکتوبر2025ء) جمعیت علمائے اسلام کے سربراہ مولانا فضل الرحمن نے کہا ہے کہ افغان قیادت سے رابطے ہوئے ہیں، معاملات افہام و تفہیم سے حل کرنا چاہتے ہیں۔

(جاری ہے)

کنونشن سینٹر میں میڈیا سے گفتگو مولانا فضل الرحمن نے کہا کہ ماضی میں پاک افغان کشیدگی کم کرنے میں کردار ادا کیا تھا اب بھی کر سکتا ہوں۔انہوں نے کہا کہ پاک افغان جنگ بندی تو ہو گئی، اب زبان بندی بھی ہونی چاہیے، اشتعال کی بجائے معاملات کو ٹھنڈا کرنے کی کوشش کرنی چاہیے۔مولانا فضل الرحمن نے کہا کہ تحریکِ لبیک کے ساتھ جو سلوک کیا گیا پہلے بھی مذمت کی اب بھی کرتا ہوں، کسی بھی صورت تحریکِ لبیک کے ساتھ تشدد کا راستہ اختیار نہیں کرنا چاہیے تھا۔