جیوانی، سمندری راستے سے غیر قانونی طور پر ایران جانے کی کوشش کرنیوالے 13ملزمان گرفتار

بدھ 15 اکتوبر 2025 21:20

کوئٹہ (اُردو پوائنٹ اخبارتازہ ترین - این این آئی۔ 15 اکتوبر2025ء) ایف آئی اے کمپوزٹ سرکل گوادر نے جیوانی میں کارروائی کرتے ہوئے سمندر کے راستے غیر قانونی طور پر ایران جانے کی کوشش کرنے والے 13ملزمان کو گرفتار کرلیا۔

(جاری ہے)

ترجمان ایف آئی اے کے مطابق گرفتار ملزمان میں افغان شہری بھی شامل ہیں جو ایران سے دیگر ممالک میں غیر قانونی طور پر داخل ہونا چاہتے تھے۔ترجمان کے مطابق گرفتار ملزمان کا تعلق پنجاب اور سندھ کے مختلف اضلاع سے ہے جن میں 2کا تعلق رحیم یار خان، 5کا قمبر شہداد کوٹ، 6کا کشمور، لاڑکانہ اور شانگلہ سے ہے۔ملزمان کے خلاف انسانی اسمگلنگ اور غیر قانونی طور پر سرحد پار کرنے کے الزام میں مقدمہ درج کرکے تفتیش کا آغاز کردیا گیا ہے۔