حماس کے پاس مزید یرغمالیوں کی لاشیں ہیں، اسرائیلی انٹیلی جنس

جمعرات 16 اکتوبر 2025 14:30

تل ابیب (اُردو پوائنٹ اخبارتازہ ترین - این این آئی۔ 16 اکتوبر2025ء) اسرائیلی انٹیلی جنس نے امریکا کو بتایا ہے کہ حماس کے پاس مزید یرغمالیوں کی لاشیں موجود ہیں۔امریکی میڈیا نے 2 اسرائیلی اور ایک امریکی عہدے دار کے حوالے سے دعوی کیا کہ اسرائیل کا مقف ہے کہ حماس کی جانب سے لاشوں کی بازیابی کے لیے خاطر خواہ اقدامات نہیں کئے جارہے۔

(جاری ہے)

امریکی میڈیا نے اسرائیلی حکام کے حوالے سے بتایا کہ لاشوں کی بازیابی کے بغیر غزہ معاہدہ اگلے مرحلے میں نہیں جاسکتا۔

دوسری جانب حماس نے غزہ امن معاہدے کے تحت مزید دو اسرائیلی یرغمالیوں کی لاشیں اسرائیل کے حوالے کردیں۔حماس کا کہنا تھا کہ ان اسرائیلی مغویوں کی لاشیں حوالے کی ہیں جنھیں تلاش کرسکتے تھے۔ باقی مغویوں کی لاشیں تلاش کرنے کیلیے خصوصی آلات کی ضرورت ہے۔