وزیراعظم شہباز شریف آج ( منگل کو) ملک میں جدید ٹیکنالوجی کی بنیاد پر ترقی اورڈیجیٹل معیشت کے فروغ کےلئے آئی ٹی پروگرام کا باقاعدہ افتتاح کریں گے

منگل 21 اکتوبر 2025 11:32

اسلام آباد (اُردو پوائنٹ اخبارتازہ ترین - اے پی پی۔ 21 اکتوبر2025ء) وزیراعظم محمد شہباز شریف آج (منگل کو) ملک میں جدید ٹیکنالوجی کی بنیاد پر ترقی اورڈیجیٹل معیشت کے فروغ کےلئے انفارمیشن ٹیکنالوجی (آئی ٹی) پروگرام کا باقاعدہ افتتاح کریں گے۔وزیراعظم آفس کے میڈیا ونگ کی طرف سےجاری بیان کے مطابق وزیراعظم کے ڈیجیٹل پاکستان وژن کے تحت آئی ٹی پروگرام کا اجرا کیا جارہا ہے جس کا مقصد ملک میں جدید ٹیکنالوجی کی بنیاد پر ترقی اور ڈیجیٹل معیشت کا فروغ ہے۔

وزیراعظم کے وژن کے مطابق پاکستان کو خطے میں آئی ٹی کی ابھرتی ہوئی معیشت کے طور پر اجاگر کیا جائے گا،آئی ٹی پروگرام نوجوانوں کو ڈیجیٹل دور کے تقاضوں سے ہم آہنگ کرنے میں سنگ میل ثابت ہوگا،پروگرام کے اجرا سے پاکستان میں آئی ٹی انڈسٹری کے لئے ساز گار ماحول پیدا ہوگا۔

(جاری ہے)

وفاقی دارالحکومت اسلام آباد میں منعقد ہونے والی تقریب میں وفاقی وزرا ، آئی ٹی ماہرین اور سٹارٹ اپ نمائندگان شریک ہوں گے۔

وزیراعظم پروگرام کے اجرا کے موقع پر ڈیجیٹل پاکستان کے وژن پر روشنی ڈالیں گے۔بیان کے مطابق حکومت کا عزم ہے کہ آئی ٹی کے فروغ کے ذریعے قومی معیشت کو مضبوط بنیاد فراہم کی جائے۔ نئے پروگرام کے تحت فری لانسنگ، ای کامرس اور سافٹ ویئر ڈویلپمنٹ کے شعبوں میں سہولیات پیدا ہوں گی۔آئی ٹی پروگرام سے نوجوانوں کے لئے روزگار کے وسیع مواقع پیدا ہوں گے۔وزیراعظم کی ہدایت پر آئی ٹی انڈسٹری کے فروغ کے لئے جامع پالیسی فریم ورک تیار کیا گیا ہے۔پروگرام کا اجرا ڈیجیٹل پاکستان وژن کے اہداف کی تکمیل کی سمت ایک اہم قدم ہے۔\932