بھارت سے چلنے والی آلودہ ہوا کے باعث لاہور میں ایئر کوالٹی انڈیکس میں وقتی اضافہ

بدھ 4 فروری 2026 13:14

لاہور(اُردو پوائنٹ اخبارتازہ ترین - این این آئی۔ 04 فروری2026ء) بھارت سے چلنے والی آلودہ ہوا کے باعث لاہور میں ایئر کوالٹی انڈیکس میں وقتی اضافہ ہو گیا ۔ سینئر صوبائی وزیر مریم اورنگزیب کے مطابق جدید ڈیٹا، سائنسی ماڈلز اور ٹیکنالوجی کے استعمال سے سموگ کنٹرول میں نمایاں پیشرفت جاری ہے۔بسنت کے موقع پر حکومت پنجاب کی جانب سے فراہم کی گئی فری ٹرانسپورٹ سے فائدہ اٹھا کر شہری سڑکوں پر گاڑیوں کا دبا ئوکم کریں، سموگ میں مزید بہتری کے لیے تعاون کریں۔

انہوںنے کہا کہ وزیراعلی مریم نواز شریف کی ہدایت پر صاف فضا ء کے لیے اقدامات میں تیزی لائی گئی ہے جس کے لئے تمام متعلقہ ادارے متحرک ہیں۔بس، میٹرو بس اور اورنج لائن میٹرو ٹرین تین دن کے لیے بلا معاوضہ دستیاب ہے ، شہری زیادہ سے زیادہ فائدہ اٹھائیں۔

(جاری ہے)

ذاتی گاڑیوں کے کم استعمال اور اجتماعی سفر کو ترجیح دینے دی جائے تاکہ ٹریفک دبا ئوکم رہے۔

ٹریفک کے دبائو میں کمی اور فضائی آلودگی گھٹانے کے لیے مشترکہ حکومتی و عوامی اقدامات جاری ہیں،عوامی سہولت اور ماحولیاتی تحفظ حکومت پنجاب کی اولین ترجیحات میں شامل ہیں۔ انہوںنے کہاکہ آلودگی کے ہاٹ اسپاٹس کی نشاندہی کے لیے آرٹیفیشل انٹیلیجنس سسٹمز فعال کر دئیے گئے،ڈیجیٹل میپنگ کے ذریعے صنعتی اخراج اور ٹریفک ایمیشن کی مسلسل نگرانی جاری ہے،سموگ کنٹرول روم مکمل الرٹ اورفیلڈ ٹیمیں ہائی الرٹ پر تعینات ہیں،ڈرون سرویلنس کے ذریعے فیکٹریوں، بھٹوں اور گاڑیوں کی سخت نگرانی جاری ہے۔انہوںنے کہاکہ ماحولیاتی قوانین کی خلاف ورزی پر فوری جرمانے اور بلا امتیاز کارروائی عمل میں لائی جا رہی ہے۔