فیصل آباد میں بھٹہ مالکان نے بھی اینٹوں کی قیمتوں میں اضافہ کردیا

پختہ اینٹ اول کلاس 22ہزار روپے،دوم کلاس اینٹ17ہزار روپے میں فروخت کی جائے گی۔بھٹہ مالکان ایسوسی ایشن

اتوار 12 اپریل 2026 11:15

مکو آ نہ (اُردو پوائنٹ اخبارتازہ ترین - این این آئی۔ 12 اپریل2026ء) بھٹہ مالکان ایسوسی ایشن شیخوپورہ روڈ،فیصل آ باد ملت روڈ، جھمرہ سیکٹر اور جڑانوالہ روڈ سیکٹر کی مشترکہ میٹنگ رانا فرمان خاں کی صدارت میں منعقد ہوئی جس میںکوئلہ کی بھتی ہوئی قیمتوں اور کرایوں میں اضافہ بھٹہ انڈسٹری کو درپیش مشکلات ے بارے میں تحفظات کا اظہار کیا گیا۔میٹنگ میں طے کیا گیا گہ پختہ اینٹ اول کلاس 22ہزار روپے،دوم کلاس اینٹ17ہزار روپے میں فروخت کی جائے گی۔

اجلاس سے خطاب کرتے ہوئے رانا فرمان خاں نے کہا کہ موجودہ حالات میں بھٹے کا کاروبار شدید مشکلات کا شکار ہے بھٹہ مالکان آپس میں متحد ہو جائیں تو مسائل حل ہو جائیں گے۔انہوں نے کہا کہ پیٹرولیم مصنوعات کی قیمتوں میں معمولی کمی کی گئی ہے جس کا کوئلہ کی قیمتوں اور کرایوں میں کوئی فرق نہیں پڑے گا۔

(جاری ہے)

اس لئے بھٹہ مالکان آپس میں اکٹھے رہیں اور نئی قیمتوں پر اینٹیں فروخت کریں۔

بارشوں کی وجہ سے بھٹوں پر کافی نقصان ہوا ہے خام مال تباہ ہو چکا ہے۔مالکان کو لاکھوں روپے کا نقصان ہو چکا ہے۔رانا فرمان خاں نے کہا کہ ریٹ میں اضافہ اور مالکان کا اتحاد وقت کی اہم ضرورت ہے۔حکومت سے مطالبہ کرتے ہیں کہ پیٹرولیم مصنوعات کی قیمتیں مزید کم کی جائیں اور کوئلہ کی قیمتیں کنٹرول کر کے فکس کی جائیں۔ جنرل سیکر ٹری حاجی غلام مصطفی نے کہا کہ میٹنگ میں جو طے ہو گیا ہے تمام ممبران اس پر عمل کریں اور خلاف ورزی نہ کریں۔

اس وقت بھٹہ مالکان اگر آپس میں اکٹھے نہ ہوئے تو پھر ان کے کاروبار کا اللہ ہی حافظ ہے۔ رانا شیر خاں، چوہدری ساجد پبسوتہ، رانا ندیم خاں،راناعدنان نصیر، میاں قربان، حاجی یونس، حاجی شہباز، رضوان رحمانی، رانا فریاد خاں،حاجی ثقلین بھولا، رانا عمران،میاں انور،انصر مجید، اسرار رحمانی،توقیر سندھو، منان یوسف،صدر جڑانوالہ روڈ حاجی شریف،میاں عبدالرحمن اور دیگر بھی اس موقع پر موجود تھے۔