دہشتگردی کے بزدلانہ واقعات قوم کے حوصلے پست نہیں کر سکتے ،چیئرپرسن بی آئی ایس پی

منگل 12 مئی 2026 21:00

اسلام آباد(اُردو پوائنٹ اخبارتازہ ترین - آن لائن۔ 12 مئی2026ء) چیئرپرسن بے نظیر انکم سپورٹ پروگرام سینیٹر روبینہ خالد نے لکی مروت کے علاقے سرائے نارنگ بازار میں ہونے والے دھماکے کی شدید مذمت کرتے ہوئے قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔

(جاری ہے)

سینیٹر روبینہ خالد نے دھماکے میں 2 پولیس اہلکاروں سمیت 7 افراد کی شہادت پر شہداء کے اہلخانہ سے دلی ہمدردی اور تعزیت کا اظہار کرتے ہوئے کہا کہ وہ غم کی اس گھڑی میں متاثرہ خاندانوں کے ساتھ برابر کی شریک ہیں۔

انہوں نے کہا کہ دہشتگردی کے بزدلانہ واقعات قوم کے حوصلے پست نہیں کر سکتے اور معصوم شہریوں و پولیس اہلکاروں کو نشانہ بنانا کھلی دہشتگردی ہے۔سینیٹر روبینہ خالد کا کہنا تھا کہ دہشتگرد انسانیت اور امن کے دشمن ہیں جبکہ پوری قوم اور سیکیورٹی ادارے دہشتگردی کے خاتمے کے لیے متحد ہیں۔انہوں نے دھماکے میں زخمی ہونے والوں کی جلد صحتیابی کے لیے دعا بھی کی اور اس عزم کا اظہار کیا کہ شہداء کی قربانیاں رائیگاں نہیں جائیں گی۔