اردو ادب کے ممتاز مزاح نگار شفیق الرحمن کا26واں یوم وفات 19مارچ کو منایا جائیگا

بدھ 15 اپریل 2026 10:45

جہانیاں(اُردو پوائنٹ اخبارتازہ ترین - این این آئی۔ 15 اپریل2026ء) اردو ادب کے ممتاز مزاح نگار شفیق الرحمن کا26واں یوم وفات 19مارچ کو منایا جائے گا ۔شفیق الرحمن 9 نومبر 1920ء کو کلا نور، ضلع روہتک میں پیدا ہوئے۔

(جاری ہے)

کنگ ایڈورڈ میڈیکل کالج، لاہور سے ایم بی بی ایس کرنے کے بعد برطانوی دور میں انڈین آرمی کے شعبہ طب سے وابستہ ہوئے وہ طالب علمی کے دوران ہی علم و ادب اور لکھنے لکھانے کا شغل اپنا چکے تھے اور رومانوی افسانوںکے ساتھ مزاح نگاری کا سلسلہ شروع کر دیا تھا، ان کی کتب لہریں، مدوجزر، پرواز، حماقتیں، پچھتاوے، مزید حماقتیں، دجلہ، کرنیں اور دریچے کے نام سے شائع ہوئیں اور انھیں زبردست پذیرائی ملی۔

شفیق الرحمن نے 1980ء سے 1986ء تک اکادمی ادبیات پاکستان کے چیئرمین کی حیثیت سے بھی خدمات انجام دی تھیں۔ شفیق الرحمن 19 مارچ 2000ء کو اس دارِ فانی سے کوچ کرگئے تھے۔ حکومتِ پاکستان نے بعد از مرگ ان کے لیے ہلالِ امتیاز کا اعلان کیا تھا۔