قومی سکواش کھلاڑی عاصم خان کو ورلڈ اسکواش چیمپئن شپ میں شرکت کیلئے ویزہ مسائل کا سامنا

ویزہ پراسس جاری، اگر ایمبیسی سے یا کوئی اور میری مدد کرے گا تو شکر گزار ہوں گا، سوشل میڈیا پر پیغام

جمعرات 30 اپریل 2026 15:05

قاہرہ(اُردو پوائنٹ اخبارتازہ ترین - این این آئی۔ 30 اپریل2026ء) پاکستان کے ابھرتے ہوئے انٹرنیشنل سکواش کھلاڑی عاصم خان کو مصر میں ہونے والی ورلڈ سکواش چیمپئن شپ میں شرکت سے قبل تاحال ویزہ نہ مل سکا۔

(جاری ہے)

عاصم خان نے سوشل میڈیا پر ویزہ نہ ملنے کے متعلق پیغام جاری کرتے ہوئے بتایاہے کہ میں نے مصر کے ویزہ کی درخواست دے رکھی ہے جو ابھی تک پراسس میں ہے، مجھے ورلڈ چیمپیئن شپ کیلئے پیرمنگل کوسفر کرنا ہے۔

عاصم خان نے کہا کہ اگر ایمبیسی سے یا کوئی اور میری مدد کرے گا تو شکر گزار ہوں گا، آئرلینڈ میں شیڈول آئرش اوپن کے لیے بھی مجھے ویزہ جاری نہیں ہوا اور اس سلسلے میں بھی مدد کی ضرورت ہے۔انٹرنیشنل سکواش کھلاڑی نے کہا کہ مصر میں ورلڈ چیمپئن شپ کے بعد ڈائریکٹ وہیں سے آئرش اوپن میں شرکت کے لیے جانا ہے۔واضح رہے کہ مصر میں ورلڈ چیمپئن شپ 8سے 16مئی تک شیڈول ہے۔