جمشید ٹاؤن پولیس کی کارروائی ،بھاری مقدار میں مضر صحت چھالیہ اور رائل کنگ گٹکا برآمد،ملزم گرفتار

جمعہ 1 مئی 2026 23:07

کراچی (اُردو پوائنٹ اخبارتازہ ترین - این این آئی۔ 01 مئی2026ء) ڈی آئی جی ایسٹ زون کراچی ڈاکٹر فرخ علی کی ہدایات پر ایسٹ زون میں مضر صحت اشیا اور منشیات فروش عناصر کے خلاف کریک ڈاؤن جاری ہے۔ اسی سلسلے میں ایس ڈی پی او جمشید ڈویژن اے ایس پی محمد عاشر کی نگرانی میں گڈاپ سٹی پولیس نے خفیہ اطلاع پر بڑی کارروائی کرتے ہوئے بھاری مقدار میں مضر صحت چھالیہ اور رائل کنگ گٹکا برآمد کرلیا جبکہ ایک ملزم کو گرفتار کرلیا گیا۔

پولیس کے مطابق کارروائی گڈاپ سٹی تھانے کی حدود حاجی جھورک بروہی گوٹھ گڈاپ ٹان میں ایک مکان پر چھاپہ مار کر کی گئی، جہاں سے 25 کٹے مضر صحت چھالیہ جن کا مجموعی وزن تقریبا 300 کلو گرام بتایا جاتا ہے، جبکہ رائل کنگ گٹکے کے 16 کٹے جن میں 800 پیکٹ موجود تھے، برآمد کیے گئے۔

(جاری ہے)

پولیس نے موقع پر موجود ملزم عبیداللہ بروہی ولد عرفان کو گرفتار کرکے ممنوعہ سامان قبضے میں لے لیا۔

ترجمان ڈی آئی جی ایسٹ کے مطابق گرفتار ملزم کے خلاف مقدمہ الزام نمبر 284/2026 دفعہ 8(i)A سندھ گٹکا و ماوا ایکٹ کے تحت درج کرکے مزید تفتیش کے لیے انویسٹی گیشن ونگ کے حوالے کردیا گیا ہے۔ ابتدائی تحقیقات میں ملزم کے گٹکا و چھالیہ سپلائی نیٹ ورک سے متعلق اہم انکشافات متوقع ہیں جبکہ پولیس مختلف پہلوں پر تفتیش کررہی ہے۔ڈی آئی جی ایسٹ زون ڈاکٹر فرخ علی نے کہا ہے کہ نوجوان نسل کو تباہ کرنے والی مضر صحت اشیا، گٹکا، ماوا اور منشیات کے کاروبار میں ملوث عناصر کے خلاف بلاامتیاز کارروائیاں جاری رہیں گی اور کسی قسم کا دبا خاطر میں نہیں لایا جائے گا۔

انہوں نے کہا کہ شہریوں کی جان و صحت کے تحفظ کے لیے ایسے جرائم پیشہ عناصر کے خلاف سخت قانونی کارروائی عمل میں لائی جارہی ہے۔پولیس حکام کے مطابق ایسٹ زون میں گٹکا و ماوا فروشوں کے خلاف جاری مہم کے دوران متعدد کارروائیاں کی جاچکی ہیں اور آئندہ بھی یہ سلسلہ مزید تیز کیا جائے گا تاکہ شہر کو مضر صحت اشیا سے پاک کیا جاسکے۔