Live Updates

پاکستان سنی تحریک کا ملک میں بڑھتی ہوئی مہنگائی اور ابتر معاشی صورتحال پر گہری تشویش کا اظہار

اگر مہنگائی پر قابو نہ پایا گیا تو عوامی مشکلات میں مزید اضافہ ہوگا، جو کسی صورت قابل قبول نہیں،محمد شاداب رضا نقشبندی

اتوار 3 مئی 2026 22:35

کراچی(اُردو پوائنٹ اخبارتازہ ترین - این این آئی۔ 03 مئی2026ء) سربراہ پاکستان سنی تحریک محمد شاداب رضا نقشبندی نے ملک میں بڑھتی ہوئی مہنگائی اور ابتر معاشی صورتحال پر گہری تشویش کا اظہار کرتے ہوئے کہا ہے کہ آج عام آدمی شدید مشکلات کا شکار ہے۔ اشیائے ضروریہ کی قیمتوں میں بے تحاشہ اضافہ ہو چکا ہے جس کے باعث غریب اور متوسط طبقہ دو وقت کی روٹی کے لیے بھی پریشان دکھائی دیتا ہے۔

آٹا، چینی، گھی، بجلی اور پیٹرول سمیت ہر بنیادی ضرورت عوام کی پہنچ سے دور ہوتی جا رہی ہے۔ تنخواہوں میں خاطر خواہ اضافہ نہ ہونے کے باعث لوگوں کی آمدن اور اخراجات میں توازن مکمل طور پر بگڑ چکا ہے، جس کی وجہ سے عوام مہنگائی کی چکی میں بری طرح پس رہے ہیں۔ہم حکومت سے مطالبہ کرتے ہیں کہ مہنگائی پر قابو پانے کے لیے فوری اور مثر اقدامات کیے جائیں،ذخیرہ اندوزوں اور منافع خور عناصر کے خلاف سخت کارروائی کی جائے،عوام کو ریلیف دینے کے لیے اشیائے ضروریہ پر سبسڈی فراہم کی جائے،بجلی، گیس اور پیٹرول کی قیمتوں میں کمی کی جائے،شاداب رضا نقشبندی نے مزید کہا کہ روزگار کے نئے مواقع پیدا کیے جائیں تاکہ عوام کی معاشی حالت بہتر ہو سکے، بھی واضح کیا جاتا ہے کہ اگر مہنگائی پر قابو نہ پایا گیا تو عوامی مشکلات میں مزید اضافہ ہوگا، جو کسی صورت قابل قبول نہیں۔

(جاری ہے)

عوام کے حقوق کا تحفظ اور انہیں ریلیف فراہم کرنا ریاست کی بنیادی ذمہ داری ہے، جس میں کسی قسم کی کوتاہی برداشت نہیں کی جائے گی۔عوام کو بنیادی حقوق اور سہولیات فراہم کرنا حکومت کی آئینی و جمہوری اور اخلاقی زمہ داری ہی-