Live Updates

قطر سے ایل این جی کی سپلائی بحال ہو گئی

کل قطر سے کارگو پورٹ قاسم کراچی پر لنگر انداز ہوگا جس سے کراچی اور ملکی ضروریات پوری کی جائیں گی

محمد علی پیر 11 مئی 2026 19:22

اسلام آباد (اُردو پوائنٹ اخبارتازہ ترین۔ 11 مئی2026ء) قطر سے ایل این جی کی سپلائی بحال ہو گئی کل قطر سے کارگو پورٹ قاسم کراچی پر لنگر انداز ہوگا جس سے کراچی اور ملکی ضروریات پوری کی جائیں گی۔ تفصیلات کے مطابق قطر سے پاکستان کے لیے تیسرا ایل این جی جہاز خصوصی ایرانی اجازت سے آبنائے ہرمز میں داخل ہو ا ہے۔شپنگ ذرائع کے مطابق 15 دن کے دوران ایران کی جانب سے پاکستان کے لیے تیسرے ایل این جی جہاز کو گزرنے کی اجازت دی گئی ہے۔

(جاری ہے)

ایل این جی جہاز مزہم آبنائے ہرمز کے جزیرے ہنگم سے آگے بڑھ رہا ہے، جہاز میں قطر کی بڑی راس لفان ٹرمینل سے ایل این جی بھری گئی ہے۔ذرائع کے مطابق یہ ایل این جی اینگرو ٹرمینل پر لائی جا رہی ہے، ایل این جی کا ایک اور جہاز الخریطیات کراچی پہنچ گیا۔ایل این جی کا پہلا جہاز پورٹ قاسم پر 30 اپریل کو بھی لنگر انداز ہوا ہے۔