Live Updates

اختلافات کے باوجود امریکہ نیٹو میں مرکزی حیثیت رکھتا ہے، جرمن چانسلر

پیر 4 مئی 2026 11:45

برلن(اُردو پوائنٹ اخبارتازہ ترین - این این آئی۔ 04 مئی2026ء) جرمنی کے چانسلر فریڈرچ مرز نے کہا ہے کہ اختلافات کے باوجود امریکہ نیٹو میں مرکزی حیثیت رکھتا ہے۔

(جاری ہے)

ایک انٹرویو میں فریڈرچ مرز نے جرمنی سے امریکی افواج کے انخلا کے اعلان کے بعد صدر ڈونلڈ ٹرمپ کے ساتھ کشیدگی کو بھی کم اہم قرار دیا، اور کہا کہ مجھے اب بھی یقین ہے کہ نیٹو میں امریکی ہمارے لیے سب سے اہم شراکت دار ہیں۔جب ان سے پوچھا گیا کہ کیا جرمنی میں امریکی فوج کی موجودگی کم کرنے کے منصوبے کا تعلق ایران کے حوالے سے ٹرمپ کی حکمت عملی پر ہونے والے اختلاف سے ہے، تو اس پر انہوں نے کہا اس کا اس بات سے کوئی تعلق نہیں ہے۔