Live Updates

آبنائے ہرمز کو ایک ٹوئٹ سے بند یا کھولا نہیں جاتا، ابراہیم رضائی

آبنائے ہرمز کھولنے کا راستہ ایران کی خود مختاری اور بالادستی کو ماننا ہے،بیان

پیر 4 مئی 2026 18:15

تہران (اُردو پوائنٹ اخبارتازہ ترین - این این آئی۔ 04 مئی2026ء) ایران کی نیشنل سیکیورٹی اور فارن پالیسی کمیشن کے ترجمان ابراہیم رضائی نے کہا ہے کہ آبنائے ہرمز کو ایک ٹوئٹ سے بند یا کھولا نہیں جاتا۔تہران سے جاری بیان میں ابراہیم رضائی نے کہا کہ آبنائے ہرمز کھولنے کا راستہ یا تو شکست تسلیم کرنا ہے یا کسی معاہدے پر پہنچنا ہے۔

(جاری ہے)

انہوں نے کہا کہ آبنائے ہرمز کھولنے کا راستہ آبنائے ہرمز پر ایران کی خود مختاری اور بالادستی کو ماننا ہے۔

ابراہیم رضائی نے مزید کہا کہ آبنائے ہرمز کھولنے کا راستہ میدان جنگ میں واپسی اور دوبارہ ذلت آمیز شکست قبول کرنا بھی ہوسکتا ہے۔ان کا یہ بھی کہنا تھا کہ ان کے سوا آبنائے ہرمز کھولنے کا کوئی راستہ نہیں کیونکہ آبنائے ہرمز کو ایک ٹوئٹ سے بند یا کھولا نہیں جاتا ہے۔