وزیراعلی پنجاب مریم نواز کی زیر صدارت اجلاس ،ستھرا پنجاب کی 40 ہزار گاڑیوں اور 1 لاکھ 76 ہزار ورکرزکی اے آئی مانیٹرنگ کا فیصلہ

لاہور (اُردو پوائنٹ اخبارتازہ ترین - اے پی پی۔ 05 مئی2026ء) وزیراعلی پنجاب مریم نواز شریف کی زیر صدارت ستھرا پنجاب پروگرام کے حوالے سے ایک اہم اجلاس منعقد ہوا۔ اجلاس میں ستھرا پنجاب کی 40 ہزار گاڑیوں اور 1 لاکھ 76 ہزار ورکرزکی اے آئی مانیٹرنگ کرنے کا فیصلہ کیا گیا ہے۔ اجلاس میں بتایا گیا کہ عیدالاضحیٰ کے موقع پرسمارٹ صفائی کا آغاز کیا جائے گا، غفلت برتنے والوں کو آن سپاٹ جرمانہ،اے آئی کیمروں سے لیس بائیکس فیلڈ اورگھوسٹ ملازمین کو فارغ کرنے پر غور کیا گیا۔

اجلاس کو بریفنگ میں بتایا گیا کہ پنجاب بھر میں کوڑے کی نشاندہی کے لئے اے آئی ٹیکنالوجی سے لیس بائیکس متعارف کرائی جائیں گی۔ اے آئی سے لیس ستھرا پنجاب کی موٹر بائیکس میں اے آئی بیسڈ خود کار کیمرے سے کوڑے کی نشاندہی کر لی جائیگی۔

(جاری ہے)

اے آئی سے لیس ستھرا پنجاب کی موٹر بائیک لائیو امیج کیپچرنگ اور رئیل ٹائم فیلڈ وزیبیلٹی دیکھا سکے گی۔

مسلسل مانیٹرنگ کے لئے اے آئی کو ستھرا پنجاب کی موٹر بائیکس پر سسٹم نصب کیے گئے ہیں۔ وزیراعلی نے عید الاضحیٰ سے پہلے ہی ستھرا پنجاب کو الرٹ کال دے دی۔پنجاب بھر میں آلائشیں اٹھانے کے لئے بیگز فراہم کیے جائیں گے۔ انہوں نے پنجاب میں عید الاضحیٰ کے موقع پر ویسٹ کولیکشن سینٹر کی تعداد بڑھانے کی ہدایت کی۔ ویسٹ کولیکشن سینٹر کے علاوہ کسی بھی جگہ پر آلائشیں یا کوڑا کرکٹ پھینکنے پر آن سپاٹ جرمانہ ہوگا۔

بریفنگ میں مزید بتایا گیا کہ ستھرا پنجاب میں ڈیجیٹل میپنگ اور بیٹ سسٹم لانچ متعارف کرایا جارہا ہے،ستھرا پنجاب پروگرام میں پہلی بار اے آئی بیسڈ کمپلینٹ سیل بھی قائم کیا جائے گا۔ ستھرا پنجاب کے 70 فیصد ملازمین کی فیزیکل ویری فیکیشن مکمل کر لی گئی جبکہ اگلے ہفتے تک 100 فیصد مکمل کر لی جائے گی۔ وزیراعلی نے صوبے میں ستھرا پنجاب کے اہلکاروں و افسران کی اے آئی کی مدد سے فیلڈ مانیٹرنگ کا حکم دیا۔

وزیر اعلی مریم نواز کی زیر صدارت ستھراپنجاب سے متعلق طویل اجلاس منعقد ہوا ،جس میں ستھرا پنجاب سے متعلق تفصیلی بریفنگ دی گئی۔ اجلاس میں سسٹم امپروومنٹس، اے آئی بیسڈ آپریشنز،مالی معاملات اور ویسٹ ٹو ویلیو پر رپورٹس پیش کی گئی۔ وزیراعلی نے گھوسٹ ملازمین،غیر حاضر اور حاضری لگا کر رفوچکر ہونے والے ستھرا پنجاب کے ملازمین کیخلاف کارروائی کا حکم دیا۔

اجلاس کو بریفنگ میں بتایا گیا کہ دن کے 24 گھنٹے متحرک رکھنے کے لئے ستھرا پنجاب کی ہیلپ لائن 1139 سنٹرلائزڈ کر دی گئی۔ ڈیپ کلینگ سے 10365 پوائنٹس کلیئرکیے گئے۔ ستھرا پنجاب کے ملازمین کیلئے مزید 2029 حاضری پوائنٹس قائم کیے گئے ہیں۔ بریفنگ میں مزید بتایا گیا کہ ستھرا پنجاب اہلکاروں کے لئے حاضری کیلئے نئی ایپ تیارکر لی گئی۔فیلڈ مانیٹرنگ افسران ہر یونین کونسل میں موبائل ایپ کی ذریعے فیزیکل ویری فیکشن پر مامورکر دیئے گئے۔ ستھرا پنجاب کو مزید موثر بنانے کے لئے منیجنگ ڈائرکٹرز کی روزانہ کی میٹنگ لازم قرار دی۔