Live Updates

امریکی حکام خطے کو فوجی دھمکیاں دینا بند کر دیں، ایرانی صدر

بدھ 6 مئی 2026 12:05

واشنگٹن (اُردو پوائنٹ اخبارتازہ ترین - این این آئی۔ 06 مئی2026ء) امریکا کی جانب سے ایران سے ہتھیار ڈالنے کے مطالبے پر ایران کے صدر مسعود پزشکیان نے کہا ہے کہ ہم مسلمان تو پہلے ہی خدا کے سامنے سر جھکا چکے ہیں، اب کوئی اور ہمیں جھکا نہیں سکتا۔عراقی وزیراعظم کے ساتھ بات چیت کرتے ہوئے ایرانی صدر نے اس بات کی ضرورت پر زور دیا کہ امریکی حکام خطے کو فوجی دھمکیاں دینا بند کر دیں۔

(جاری ہے)

علاوہ ازیں ایک بیان میں ایران کے صدر مسعود پزشکیان نے کہا ہے کہ اخلاق کے بغیر طاقت کھوکھلی ہے۔انہوں نے کہا کہ آج کی دنیا میں افراتفری، جبر، ناانصافی اور لاقانونیت ہے، یہ سیاست کو طاقت تک محدود کرنے کا نتیجہ ہے۔مسعود پزشکیان نے کہاکہ ایران خود کو بااخلاق اور ذمہ دار طاقت کے طور پر پیش کر رہا ہے جبکہ ایران کے مخالفین بے لگام اور غیر ذمہ دار قوت کی علامت بنے ہوئے ہیں۔