معرکہ حق‘‘بنیان مرصوص’’ ایک سال مکمل ہونے پر دارالحکومت مظفرآباد میں یومِ تشکر کی مرکزی شایان شان تقریب

جمعرات 7 مئی 2026 13:39

مظفرآباد(اُردو پوائنٹ اخبارتازہ ترین - این این آئی۔ 07 مئی2026ء) معرکہ حق‘‘بنیان مرصوص’’میں پاکستان کی عظیم فتح کے ایک سال مکمل ہونے پر دارالحکومت مظفرآباد میں یومِ تشکر کی مرکزی تقریب شایانِ شان انداز میں منعقد ہوئی۔ تقریب کے مہمانِ خصوصی وزیراعظم آزاد حکومتِ ریاست جموں و کشمیر فیصل ممتاز راٹھور تھے، جنرل آفیسر کمانڈنگ چنار ڈویژن، صدر پاکستان پیپلز پارٹی آزادکشمیر چوہدری محمد یاسین، موسٹ سینئر وزیر میاں عبدالوحید، وزراء حکومت چوہدری یاسر سلطان، سید بازل علی نقوی، محترمہ نبیلہ ایوب، چیف سیکرٹری خوشحال خان، آئی جی کیپٹن (ر) لیاقت علی ملک سمیت اعلیٰ سول و عسکری حکام نے بھی شرکت کی۔

تقریب میں وطن سے محبت، قومی یکجہتی اور شہداء کی قربانیوں کو بھرپور انداز میں خراجِ عقیدت پیش کیا گیا۔

(جاری ہے)

پاکستان کے معروف گلوکار علی عظمت اور آئمہ بیگ نے ملی نغمے پیش کرکے حاضرین کا جوش و جذبہ دیدنی بنا دیا، جبکہ بچوں کے خوبصورت ٹیبلوز نے شرکاء کے دل جیت لیے۔تقریب میں قومی کرکٹر محمد حارث بھی شریک ہوئے۔ مقامی گلوگار راجہ عمران، عبدالباسط، نتاشا خان نے بھی پرفارم کیا۔ اس موقع پر وزیراعظم آزادکشمیر اور کمانڈنگ آفیسر چنار ڈویژن نے شہداء کے ورثا میں شیلڈز تقسیم کیں اور ان کی عظیم قربانیوں کو سلام پیش کیا۔ تقریب کے اختتام پر شاندار آتش بازی کا مظاہرہ کیا گیا۔