کراچی یا لاہور میں سے کھانا کہاں کا اچھا؟، وسیم اکرم نے فیصلہ سنادیا

ابھی پی ایس ایل کے فائنل کے لیے لاہور میں تھا تو اپنی پرانی جگہوں پر چکڑ چھولے کھانے گیا تھا، وسیم اکرم

ذیشان مہتاب جمعہ 8 مئی 2026 11:18

کراچی یا لاہور میں سے کھانا کہاں کا اچھا؟، وسیم اکرم نے فیصلہ سنادیا

لاہور (اردو پوائنٹ تازہ ترین اخبار ۔ 8 مئی 2026ء ) قومی کرکٹ ٹیم سابق کپتان وسیم اکرم نے کراچی اور لاہور کے کھانے پر جاری بحث پر اپنا فیصلہ سنادیا۔

ایکس پر جاری ویڈیو میں وسیم اکرم نے کہا کہ سوشل میڈیا پر دیکھ رہا ہوں کہ کراچی اور لاہور کے کھانے کو لے کر بڑی بحث چل رہی ہے، تلواریں، گنڈاسے نکل آئے ہیں، لوگ لڑ رہے ہیں۔

انہوں نے کہا کہ میں لاہوری ہوں، لاہور میں پیدا ہوا، 42 سال لاہور میں رہا اور گزشتہ 14 سال سے کراچی میں رہ رہا ہوں۔

59 سالہ وسیم اکرم نے کہا کہ فواد چوہدری صاحب دوست ہیں، انہوں نے بھی کہا تھا کہ کراچی کا کھانا بس ٹھیک ہے، تو میں آج یہ بحث ختم کردیتا ہوں۔

انہوں نے کہا کہ میں ابھی پی ایس ایل کے فائنل کے لیے لاہور میں تھا تو میں اپنی پرانی جگہوں پر چکڑ چھولے کھانے گیا، ہوٹل سے چانپیں منگوائیں اور اس میں صرف مرچیں کھائی ہیں۔

(جاری ہے)

وسیم اکرم نے معذرت کرتے ہوئے کہا کہ لاہور میں مخصوص جگہیں ضرور ہیں اچھے کھانوں کی لیکن کراچی میں مختلف قومیں رہتی ہیں تو آپ کو ہر جگہ مختلف طرح کے کھانے ملتے ہیں۔

ان کا مزید کہنا تھا کہ لاہور کے کھانوں میں اب مرچوں کا استعمال بڑھ گیا ہے جبکہ لاہوری تو اتنی مرچیں کھاتے ہی نہیں ہیں۔

آخر میں وسیم اکرم نے بحث کا اختتام کرتے ہوئے کہا کہ کراچی میں کھانوں کی ورائٹی زیادہ ہے جب کہ لاہور میں کھانا اچھا ہے لیکن ورائٹی نہیں ہے۔