کورنگی میں انڈوں کی ہول سیل دکان میں آتشزدگی سے انڈے جل گئے

جمعہ 8 مئی 2026 18:54

کراچی (اُردو پوائنٹ اخبارتازہ ترین - این این آئی۔ 08 مئی2026ء) کورنگی میں انڈوں کی ہول سیل دکان میں آتشزدگی سے دکان میں موجود انڈے ودیگر سامان جل گیا۔

(جاری ہے)

تفصیلات کے مطابق کورنگی ڈھائی نمبر کوسٹ گارڈ چورنگی کے قریب فلیٹ میں آتشزدگی کی اطلاع پرکے ایم سی فائربریگیڈ کا عملہ موقع پرپہنچ گیا اورآگ پرقابو پانے کی کوشش شروع کردی۔فائر بریگیڈ کے عملے نے آگ کو پھیلنے سے روکتے ہوئے کچھ ہی دیر میں آگ پر قابو پالیا، فائر بریگیڈ حکام کے مطابق متاثرہ فلیٹ میں دکانیں واقع تھیں۔دکان میں موجود انڈے ودیگرسامان جل گیا، فائر بریگیڈ حکام کے مطابق آگ شارٹ سرکٹ کے باعث لگی، خوش قسمتی سے آتشزدگی کے دوران کسی قسم کا کوئی جانی نقصان نہیں ہوا۔