کھیلوں کی سرگرمیوں کا انعقاد کروانے کا مقصد جسمانی فٹنس کو تندرست اور توانا رکھنا ہے،ڈی پی اوشیخوپورہ

ہفتہ 9 مئی 2026 16:46

سانگلہ ہل (اُردو پوائنٹ اخبارتازہ ترین - اے پی پی۔ 09 مئی2026ء) آر پی او شیخوپورہ اطہر اسماعیل (چیف سپورٹس آفیسر پاکستان پولیس بورڈ) کی زیر سرپرستی عشرہ معرکہ حق کے حوالے سے کھیلوں کے دلچسپ مقابلوں کا انعقادکیاگیا۔ ڈی پی او ارسلان زاہد کی ہدایت پر ضلعی پولیس کے جوانوں کے لئے کھیلوں کے مقابلے کروائے گئے۔ تفصیلات کے مطابق ضلعی پولیس کے جوانوں کے مابین کرکٹ، رسہ کشی، پاور لفٹنگ اور ویٹ لفٹنگ کے مقابلے کروائے گئے۔

پاور لفٹنگ اور ویٹ لفٹنگ کی 100KG کیٹیگری میں کنسٹیبل سجاد حیدر نے پہلی پوزیشن کی۔ 80KG کیٹیگری میں کنسٹیبل محمد قاسم اول پوزیشن پر رہے جبکہ 75KG کیٹیگری میں کنسٹیبل عمر فاروق اول نمبر پر آئے۔ کرکٹ میچ میں ڈسٹرکٹ پولیس ننکانہ کی ٹیم نے نمایاں کامیابی حاصل کی۔

(جاری ہے)

139 رنز کے تعاقب میں سپیشل برانچ کی ٹیم 62 رنز بنا سکی۔ڈسٹرکٹ پولیس اور ایلیٹ فورس کے مابین رسہ کشی کے مقابلوں میں ایلیٹ فورس کی ٹیم نے تین میچوں میں سے دو میچ جیت کر فتح اپنے نام کی۔

ڈی پی او ارسلان زاہد اور ڈپٹی کمشنر محمد تسلیم اختر راؤ نے تقسیم انعامات کی تقریب میں شرکت کی۔ تقسیم انعامات کی تقریب میں ضلعی امن کمیٹی کے ممبران، علماء کرام اور سول سوسائٹی کے نمائندے بھی شریک ہوئے۔ تمام میچز کے دوران عشرہ معرکہ حق اور بنیان مرصوص کے حوالے سے خصوصی فلیکسز بھی آویزاں کیے گئے تھے۔\378