سابق وفاقی وزیر سردار یار محمد رند کی نامور کک باکسنگ کھلاڑی شاہزیب رند کی حالیہ کامیابی پر مبارکباد

ہفتہ 9 مئی 2026 17:20

کوئٹہ (اُردو پوائنٹ اخبارتازہ ترین - اے پی پی۔ 09 مئی2026ء) سابق وفاقی وزیر سردار یار محمد رند نے نامور کک باکسنگ کھلاڑی شاہزیب رند کی حالیہ کامیابی پر مبارکباد پیش کرتے ہوئے کہا ہے کہ شاہزیب رند نے اپنی محنت، لگن اور عزم سے نہ صرف بلوچستان بلکہ پورے پاکستان کا نام عالمی سطح پر روشن کیا ہے۔

(جاری ہے)

ہفتہ کو اپنے بیان میں سابق وفاقی وزیر سردار یار محمد رند نے کہا کہ شاہزیب رند جیسے باصلاحیت نوجوان ملک کا قیمتی اثاثہ ہیں، جنہوں نے محدود وسائل کے باوجود بین الاقوامی سطح پر اپنی صلاحیتوں کا لوہا منوایا۔

انہوں نے کہا کہ یہ کامیابیاں اس بات کا ثبوت ہیں کہ بلوچستان کے نوجوانوں میں بے پناہ ٹیلنٹ موجود ہے،جسے مناسب سرپرستی اور مواقع فراہم کیے جائیں تو وہ دنیا بھر میں ملک کا نام روشن کر سکتے ہیں۔ انہوں نے حکومت سے مطالبہ کیا کہ وہ شاہزیب رند کو بین الاقوامی مقابلوں اور فائیٹس کے دوران ہر ممکن مالی، فنی اور انتظامی تعاون فراہم کریں تاکہ وہ بہتر انداز میں اپنی تیاری جاری رکھ سکیں۔