آئی سی سی ایلیٹ پینل آف امپائرز 2026-27 میں صرف ایک پاکستانی شامل

منگل 12 مئی 2026 14:59

دبئی (اُردو پوائنٹ اخبارتازہ ترین - این این آئی۔ 12 مئی2026ء) انٹرنیشنل کرکٹ کونسل نے 2026-27 سیزن کیلیے ایلیٹ پینل آف امپائرز اور میچ ریفریز کو برقرار رکھنے کا اعلان کردیا۔اعلامیے میں بتایا گیا کہ سالانہ جائزے اور انتخابی عمل کے بعد موجودہ پینل میں کسی قسم کی تبدیلی نہ کرنے کا فیصلہ کیا گیا ہے۔آئی سی سی سلیکشن پینل نے امپائرز کی کارکردگی، فیصلوں کی درستگی، پروفیشنلزم اور تھرڈ امپائرنگ کا تفصیلی جائزہ لینے کے بعد موجودہ ارکان پر اعتماد کا اظہار کیا ہے۔

(جاری ہے)

سیزن 2026-27 کے ایلیٹ امپائرز پینل میں پاکستان کے احسن رضا بھی شامل ہیں۔میچ ریفریز پینل میں جیف کرو (نیوزی لینڈ)، رنجن مدوگالے (سری لنکا)، اینڈی پائی کرافٹ (زمبابوی)، رچی رچرڈسن (ویسٹ انڈیز) اور جواگل سری ناتھ (بھارت) موجود ہیں۔امپائرز میں کمار دھرماسینا (سری لنکا)، کرسٹوفر گیفانی (نیوزی لینڈ)، ایڈرین ہولڈاسٹاک (جنوبی افریقا)، رچرڈ ایلنگ ورتھ (انگلینڈ)، رچرڈ کیٹلبرو (انگلینڈ)، نتن مینن (بھارت)، الاؤالدین پالیکر (جنوبی افریقا)، احسن رضا (پاکستان)، پال ریفل (آسٹریلیا)، شرف الدولہ ابن شاہد (بنگلادیش)، روڈنی ٹکر (آسٹریلیاانگلینڈ) شامل ہیں۔