منشیات فروش پنکی کو کب تمغہ دیا جائے گا؟ اب وہ بھی حقدار ہو گئی ہے، فیصل واوڈا کا حکمرانوں پر طنز

حکمرانوں نے بچوں ،آنیوالی نسلوں کا بیڑہ غرق کر دیا ،احتساب نہ ہونے تک پنکی جمہوری ڈرامہ یونہی چلتا رہے گا، بیان

جمعرات 14 مئی 2026 21:25

منشیات فروش پنکی کو کب تمغہ دیا جائے گا؟ اب وہ بھی حقدار ہو گئی ہے، فیصل ..

اسلام آباد (اُردو پوائنٹ اخبارتازہ ترین - این این آئی۔ 14 مئی2026ء) سینیٹر فیصل واوڈا نے حکمرانوں پر طنز کرتے ہوئے کہا کہ منشیات فروش پنکی کو کب تمغہ دیا جائے گا ، وہ بھی حقدار ہو گئی ہے ۔ ذرائع کے مطابق سینیٹر فیصل واوڈا نے انمول عرف پنکی منشیات سکینڈل پر ردعمل دیتے ہوئے کہا کہ اب تو انتظار ہے کہ اس منشیات فروش خاتون کو کب سرکاری تمغے سے نوازا جائے گا، کیونکہ وہ اب اس کی حقدار بن چکی ہے۔

فیصل واوڈا نے کہا کہ قیامِ پاکستان سے اب تک وہی پنکی حکمران نظام پر قابض ہیں جنہوں نے ایک عام منشیات فروش کو پنکی بنا دیا، ان حکمرانوں نے پاکستان کے بچوں اور آنے والی نسلوں کا بیڑہ غرق کر دیا ہے، جب تک ان کا صحیح معنوں میں احتساب نہیں ہوگا، یہ پنکی جمہوری ڈرامہ یونہی چلتا رہے گا۔

(جاری ہے)

سینیٹر واوڈا نے ملک کی موجودہ سیاسی صورتحال پر بات کرتے ہوئے کہا کہ جمہوری فیصلوں کے بجائے بیوروکریٹس سے فیصلے کرانے اور دوسروں پر جھوٹے الزامات لگانے سے ملک کبھی آگے نہیں بڑھ سکتا۔

انہوں نے کہا کہ اپنی نااہلی چھپانے کے لیے پوسٹرز چپکانے، جھوٹے بیانیے گھڑنے اور زبردستی جلسے کروانے سے ملک میں ترقی ممکن نہیں ہے۔فیصل واوڈا نے اپنے مخصوص انداز میں خبردار کیا کہ یہ تو ابھی ابتدا ہے سکینڈلز کی، روتا ہے کیا آگے آگے دیکھئے سکینڈلز سے ہوتا ہے کیا۔