پاکستان کے مجموعی زرمبادلہ ذخائر 21.33 ارب ڈالر سے تجاوز کر گئے، اسٹیٹ بینک کے ذخائر میں اضافہ

ملکی زرمبادلہ ذخائر کی تازہ صورتحال، اسٹیٹ بینک کے پاس 15.8 ارب ڈالر جبکہ کمرشل بینکوں کے پاس 5.4 ارب ڈالر موجود

جمعرات 14 مئی 2026 21:50

پاکستان کے مجموعی زرمبادلہ ذخائر 21.33 ارب ڈالر سے تجاوز کر گئے، اسٹیٹ ..

کراچی (اُردو پوائنٹ اخبارتازہ ترین - آن لائن۔ 14 مئی2026ء) اسٹیٹ بینک آف پاکستان کی جانب سے ملک کے زر مبادلہ کے سیال ذخائر کے ہفتہ وار اعداد و شمار جاری کر دیے گئے ہیں، جن کے مطابق 08 مئی 2026ئ تک پاکستان کے مجموعی زرمبادلہ ذخائر کی پوزیشن مستحکم رہی ہے۔جاری کردہ اعداد و شمار کے مطابق ملکی مجموعی سیال ذخائر کی مالیت 21,336.7 ملین ڈالر (تقریباً 21.33 ارب ڈالر) ریکارڈ کی گئی ہے۔

ان ذخائر کی تقسیم درج ذیل ہے۔

(جاری ہے)

مرکزی بینک کی تحویل میں موجود ذخائر کی مالیت 15,867.4 ملین ڈالر ہے۔ نجی و تجارتی بینکوں کے پاس موجود زر مبادلہ کے ذخائر 5,469.3 ملین ڈالر ریکارڈ کیے گئے۔08 مئی 2026ء کو ختم ہونے والے ہفتے کے دوران اسٹیٹ بینک کے ذخائر میں 17 ملین ڈالر کا اضافہ دیکھا گیا، جس کے بعد مرکزی بینک کے پاس موجود رقم 15,850.4 ملین ڈالر سے بڑھ کر 15,867.4 ملین ڈالر ہو گئی۔ معاشی ماہرین کے مطابق زرمبادلہ کے ذخائر میں یہ استحکام ملکی معیشت اور روپے کی قدر کے لیے مثبت اشارہ ہے۔