لاہور ،مختلف واقعات میں 2افراد جان کی بازی ہار گئے

شاہدرہ، بیگم کوٹ میں ٹریفک حادثے کے نتیجے میں 15سالہ لڑکی جاں بحق ہوئی

جمعہ 15 مئی 2026 14:35

لاہور (اُردو پوائنٹ اخبارتازہ ترین - این این آئی۔ 15 مئی2026ء) صوبائی دارالحکومت لاہور میں مختلف واقعات کے دوران 2افراد جان کی بازی ہار گئے۔ ایدھی ترجمان کے مطابق شاہدرہ، بیگم کوٹ میں ٹریفک حادثے کے نتیجے میں 15سالہ لڑکی جاں بحق ہو گئی۔

(جاری ہے)

حادثہ رات گئے موٹر سائیکل رکشہ اور موٹر سائیکل سوار کے درمیان تیز رفتاری کے باعث پیش آیا جس کے نتیجے میں 15سالہ سمیہ موقع پر ہی دم توڑ گئی۔جبکہ سندر، بحریہ ٹائون رنگ روڈ کے قریب 32سالہ شخص رنگ روڈ سے گر کر جاں بحق ہو گیا۔ متوفی کی شناخت 32سالہ احمد رضا کے نام سے ہوئی جو ذہنی معذوری کا شکار تھا۔پولیس اور تحقیقاتی اداروں کی کارروائی مکمل ہونے کے بعد لاش کو ایدھی رضاکاروں نے مردہ خانے منتقل کر دیا۔