مظفرگڑھ ،محرم الحرام کے دوران امن و امان کے قیام اور عزاداران کی سہولت کےلئے تمام ممکنہ اقدامات کئے جا رہے ہیں،ڈپٹی کمشنر

جمعرات 18 جون 2026 17:29

مظفرگڑھ (اُردو پوائنٹ اخبارتازہ ترین - اے پی پی۔ 18 جون2026ء) وزیراعلیٰ پنجاب مریم نواز شریف کی ہدایات کے مطابق محرم الحرام کے پرامن انعقاد اور عزاداران کو بہترین سہولیات کی فراہمی کےلئے ضلعی انتظامیہ مظفرگڑھ متحرک ہے، ترجمان ضلعی انتظامیہ کے مطابق ڈپٹی کمشنر مظفرگڑھ عثمان طاہر جپہ نے محرم الحرام کے انتظامات کے سلسلے میں خان گڑھ میں مرکزی امام بارگاہ قصرِ رضا، گل حسن، مہدی شاہ، شیخن شاہ اور امام بارگاہ طوطے شاہ کا دورہ کیا۔

دورے کے دوران ڈپٹی کمشنر عثمان طاہر جپہ نے محرم روٹس پر صفائی ستھرائی، سٹریٹ لائٹس، پینے کے صاف پانی، نکاسی آب اور دیگر انتظامات کا تفصیلی جائزہ لیا۔ انہوں نے متعلقہ افسران کو ہدایت کی کہ عزاداران کو ہر ممکن سہولیات کی فراہمی یقینی بنائی جائے اور محرم الحرام کے دوران کسی قسم کی غفلت برداشت نہیں کی جائے گی۔

(جاری ہے)

ڈپٹی کمشنر عثمان طاہر جپہ نے کہا کہ وزیراعلیٰ پنجاب مریم نواز شریف کے ویژن کے مطابق محرم الحرام کے دوران تمام انتظامات کو بہترین انداز میں مکمل کیا جا رہا ہے۔

جلوسوں اور مجالس کے راستوں پر صفائی، روشنی، پانی اور دیگر بنیادی سہولیات کی فراہمی کو یقینی بنایا جا رہا ہے تاکہ عزاداران کو کسی قسم کی دشواری کا سامنا نہ کرنا پڑے۔انہوں نے مزید کہا کہ ضلعی انتظامیہ، پولیس اور تمام متعلقہ ادارے باہمی رابطے کے ساتھ فرائض سرانجام دے رہے ہیں اور محرم الحرام کے دوران امن و امان برقرار رکھنے اور عزاداران کی سہولت کےلئے تمام ممکنہ اقدامات کئے جا رہے ہیں۔\378