کراچی : پنکی گینگ کیلئے کام کرنیوالے 2 ملزمان گرفتار

ملزمان پنکی گینگ کے لیے کام کرتے تھے، جن سے مزید تفتیش جاری ہے،ڈی آئی جی ساوتھ

جمعرات 18 جون 2026 18:46

کراچی (اُردو پوائنٹ اخبارتازہ ترین - این این آئی۔ 18 جون2026ء) کراچی میں پولیس نے پنکی گینگ کے لیے کام کرنے والے 2 ملزمان کو گرفتار کر لیا۔ڈی آئی جی ساؤتھ اسد رضا کے مطابق بوٹ بیسن کے قریب خفیہ اطلاع پر کارروائی کر کے 2 ملزمان کو گرفتار کیا گیا ہے۔

(جاری ہے)

انہوں نے بتایا کہ گرفتار ملزمان کے قبضے سے آئس اور کوکین برآمد ہوئی ہے۔ڈی آئی جی ساؤتھ اسد رضا کے مطابق ملزمان پنکی گینگ کے لیے کام کرتے تھے، جن سے مزید تفتیش جاری ہے۔اس سے قبل تفتیش کاروں کو انمول پنکی کے فون سے 75 ہزار تصاویر، 100 جی بی ڈیٹا، رقوم وصولی کے سیکڑوں اسکرین شاٹ، 13 ہزار کی کونٹیکٹ لسٹ اور 42 ہزار کال لاگ بھی ملے تھے۔