لبنان اور شام کے درمیان بیروت میں عدم مداخلت کے معاہدے پر دستخط

دو نوں ملکوں نے اس بات پر اتفاق کیا ہے تعلقات کی بنیاد باہمی مفادات ہوں گے،لبنانی وزیراعظم

جمعرات 2 جولائی 2026 21:20

بیروت(اُردو پوائنٹ اخبارتازہ ترین - این این آئی۔ 02 جولائی2026ء) لبنان اور شام نے عدم مداخلت کے معاہدے پر دستخط کردئیے ہیں۔ شامی وزیر خارجہ اسد الشیبانی نے بیروت میں لبنانی وزیراعظم نواف سلام سے ملاقات کی۔ اس موقع پر دونوں رہنماؤں نے وفود کی موجودگی میں معاہدے پر دستخط کیے۔

(جاری ہے)

معاہدے میں باہمی تعاون کے اصول شامل ہیں، جن میں دونوں ریاستوں کی خودمختاری، آزادی، اتحاد، علاقائی سالمیت کا احترام، فریقین کے درمیان مساوات اور ایک دوسرے کے اندرونی معاملات میں عدم مداخلت شامل ہے۔لبنانی خبر رساں ادارے کے مطابق اس موقع پر خطاب کرتے ہوئے لبنانی وزیراعظم نے کہا کہ دو نوں ملکوں نے اس بات پر اتفاق کیا ہے کہ تعلقات کی بنیاد باہمی مفادات ہوں گے۔