Live Updates

ں* کوہاٹ کیلئے اربوں روپے کے میگا منصوبوں کی منظوری، ایک ہزار بیڈز اسپتال بھی شامل

صوبائی حکومت نے جدید اسپتال، سڑکوں اور انٹرچینج منصوبوں کی منظوری دے دی، عوام کو بہتر طبی اور سفری سہولیات فراہم ہوں گی

اتوار 5 جولائی 2026 20:00

bکوہاٹ(اُردو پوائنٹ اخبارتازہ ترین - آن لائن۔ 05 جولائی2026ء) حکومت خیبرپختونخوا نے سالانہ بجٹ میں ضلع کوہاٹ کے لیے اربوں روپے مالیت کے متعدد میگا ترقیاتی منصوبوں کی منظوری دے دی ہے، جن میں ایک ہزار بیڈز پر مشتمل جدید جنرل اسپتال، اہم شاہراہوں کی تعمیر و بحالی اور جدید انٹرچینج کا قیام شامل ہے۔سرکاری ہینڈ آؤٹ کے مطابق یہ منصوبے صوبائی وزیر اطلاعات و تعلقات عامہ شفیع جان، صوبائی وزیر قانون آفتاب عالم، رکن قومی اسمبلی شہریار آفریدی اور رکن صوبائی اسمبلی داؤد شاہ آفریدی کی کاوشوں کے نتیجے میں منظور کیے گئے۔

منصوبوں میں ایک ہزار بیڈز پر مشتمل جدید جنرل اسپتال، پنڈی روڈ انڈس ہائی وے سے بنوں گیٹ پولیس چوکی تک سڑک کی تعمیر و بحالی، جبکہ ڈھوڈہ شریفطخیرماتو انڈس ہائی وے چوک پر جدید انٹرچینج کی تعمیر شامل ہے۔

(جاری ہے)

سرکاری ذرائع کے مطابق جدید اسپتال سے کوہاٹ اور جنوبی اضلاع کے لاکھوں شہریوں کو معیاری طبی سہولیات میسر آئیں گی، جبکہ سڑکوں اور انٹرچینج کی تعمیر سے ٹریفک کی روانی بہتر، سفری سہولیات میں اضافہ اور تجارتی سرگرمیوں کو فروغ ملے گا۔حکومتی حلقوں کا کہنا ہے کہ ان منصوبوں سے کوہاٹ میں جدید انفراسٹرکچر، صحت کی سہولیات اور عوامی فلاح کے شعبوں میں نمایاں بہتری آئے گی اور ضلع ترقی کے ایک نئے مرحلے میں داخل ہوگا۔