اینٹی کرپشن میانوالی کی کاروائی ، 25 لاکھ روپے رشوت لینے پر کانسٹیبل گرفتار

جمعرات 16 جولائی 2026 19:54

سرگودھا (اُردو پوائنٹ اخبارتازہ ترین - اے پی پی۔ 16 جولائی2026ء) اینٹی کرپشن میانوالی نے کارروائی کرتے ہوئے 25 لاکھ روپے رشوت لینے پر کانسٹیبل کو گرفتار کر لیا ہے۔ ریجنل ڈائریکٹر اینٹی کرپشن سرگودھا کو خانزمان خان ولد احمد خان سکنہ کمرمشانی نے درخواست گزاری کہ سائل کے بھانجا نعمت اللہ خان کو قتل کے مقدمہ سے بے گناہ کروانے کے لیے حمید اللہ خان،ہیڈکانسٹیبل(ریٹائرڈ) اور سلامت اللہ خان، کانسٹیبل اپنے اختیارات کا ناجائز استعمال کرتے ہوئے افسران کے نام پر 25لاکھ روپے رشوت وصول کی ہے۔

جس پر ریجنل ڈائریکٹر اینٹی کرپشن سرگودھا نے ایکشن لیتے ہوئے فرخ سہیل سندھو، ڈپٹی ڈائریکٹر(تفتیش)، اینٹی کرپشن میانوالی کو انکوائری کرنے کا حکم دیا۔ دوران انکوائری گواہان کے بیانات قلمبند کیے گئے اور تمام شواہد اکٹھے کیے گئے۔

(جاری ہے)

انکوائری کے دوران بھی ملزمان اپنی بے گناہی ثابت نہ کر سکے جس پر ریجنل ڈائریکٹر، اینٹی کرپشن سرگودھا نے ملزمان کے خلاف رشوت لینے کے جرم میں مقدمہ نمبر11/2025تھانہ اینٹی کرپشن میانوالی میں درج کرنے کے احکامات دئیے اور مقدمہ کی تفتیش ناصر عزیز خان، سرکل آفیسر، اینٹی کرپشن میانوالی کے سپرد کی۔

دوران تفتیش بھی ملزمان اپنی بے گناہی ثابت نہ کر سکے۔ جس پر ریجنل ڈائریکٹر، اینٹی کرپشن سرگودھا نے ملزمان کے خلاف جوڈیشل ایکشن منظور کر تے ہوئے ملزمان کو گرفتار کر نے کا حکم دیا۔ جس پر ملزم سلامت اللہ خان، وائرلیس آپریٹر کنسٹیبل پنجاب پولیس میانوالی نے گرفتاری سے بچنے کے لیے لاہور ہائی کورٹ راولپنڈی بینچ سے قبل از گرفتار ی ضمانت کر وا لی۔دوران سماعت جناب معزز جسٹس صاحب نے ضمانت خارج کر دی۔ جس پر تفتیشی آفیسرناصر عزیز خان نے ریڈنگ ٹیم کے ہمراہ ریڈ کر کے ملزم سلامت اللہ خان، وائرلیس آپریٹر کنسٹیبل کو گرفتار کر لیا۔مزید تفتیش جاری ہے۔