Live Updates

’نواز شریف کی پیڈ امیج بلڈنگ کیلئے پلانٹڈ خبر چھاپی گئی‘

آج ثابت ہو رہا ہے 2022ء میں نواز شریف کا پیٹرولیم مصنوعات کی قیمتوں میں اضافے پر پیدا ہونے والا ردعمل ایک ڈرامہ تھا، سستے اداکار کہیں کے! میاں داؤد ایڈووکیٹ کا بیان

ساجد علی ہفتہ 25 جولائی 2026 17:03

’نواز شریف کی پیڈ امیج بلڈنگ کیلئے پلانٹڈ خبر چھاپی گئی‘

لاہور (اُردو پوائنٹ اخبارتازہ ترین۔ 25 جولائی2026ء) قانون دان میاں داؤد ایڈووکیٹ نے مسلم لیگ ن کے قائد اور سابق وزیراعظم نواز شریف کی جانب سے ماضی میں پیٹرولیم مصنوعات کی قیمتوں میں اضافے پر ظاہر کیے گئے ردعمل کو سخت تنقید کا نشانہ بناتے ہوئے اسے ایک طے شدہ سکرپٹ اور ڈرامہ قرار دے دیا۔ انہوں نے دعویٰ کیا ہے کہ 17 اگست 2022ء کو پیٹرول کی قیمتوں میں اضافے کے بعد میاں نواز شریف کی جانب سے دکھائے جانے والے تحفظات اور عوام سے ہمدردی کا مقصد صرف ان کی سیاسی ساکھ کو بچانا تھا، جس کے لیے باقاعدہ منصوبہ بندی کے تحت خبریں شائع کروائی گئیں۔

آج ثابت ہو رہا ہے کہ 17اگست 2022 کو نواز شریف صاحب کا پیٹرولیم مصنوعات کی قیمتوں میں اضافے پر پیدا ہونے والا ایک ڈرامہ تھا اور تمام صحافیوں نے پلانٹڈ خبر چھاپی تھی تاکہ نواز شریف صاحب کی Paid Image Building کیلئے عوام الناس کیلئے فراڈ کے مرتکب ہوئے۔
سستے اداکار کہیں کے۔۔۔
آج جب… pic.twitter.com/e20T6MhYcV
— Mian Dawood (@miandawoodadv) July 25, 2026

اس حوالے سے میاں داؤد ایڈووکیٹ نے اپنے ایک بیان میں کہا کہ آج کے حالات اور سیاسی حقائق نے یہ ثابت کر دیا ہے کہ اس وقت پیٹرول کی قیمتوں میں تاریخی اضافے پر ن لیگ کی قیادت کی جانب سے سامنے آنے والی ناراضگی محض ایک ڈرامہ تھی، اس وقت صحافیوں اور میڈیا ذرائع کے ذریعے ایک پلانٹڈ خبر پھیلوائی گئی تاکہ عوام میں نواز شریف کی ایک مثبت اور عوام دوست تصویر پیش کی جا سکے۔

(جاری ہے)

ان کا کہنا تھا کہ یہ تمام عمل نواز شریف کی پیڈ امیج بلڈنگ کے لیے کیا گیا ایک ایسا اقدام تھا جس کے ذریعے عوام الناس کے جذبات اور اعتماد کے ساتھ دھوکہ دہی کی گئی۔