وزیراعلیٰ سہیل آفریدی کی زیرصدارت پارلیمانی پارٹی کا اجلاس میں سخت جملوں کا تبادلہ

عمران خان کی رہائی صرف باتوں سے نہیں عمل سے ہوگی‘ حلف کیلئے کنونشن کروایا جائے، سینیٹ انتخابات کی طرح عمران خان کی رہائی تحریک پر بھی سب سے حلف لیا جائے . رکن اسمبلی فضل الہٰی کی نجی ٹی وی سے گفتگو

میاں محمد ندیم ہفتہ 25 جولائی 2026 18:45

وزیراعلیٰ سہیل آفریدی کی زیرصدارت پارلیمانی پارٹی کا اجلاس میں سخت ..

پشاور(اردوپوائنٹ اخبارتازہ ترین-انٹرنیشنل پریس ایجنسی۔25 جولائی ۔2026 ) پاکستان تحریک انصاف (پی ٹی آئی) خیبر پختونخوا کے پارلیمانی پارٹی کے اجلاس کی اندرونی کہانی سامنے آگئی، اجلاس میں ناراض ارکان نے سخت تقریریں کیں سابق وزیراعظم اور تحریک انصاف کے بانی چیئرمین عمران خان کی رہائی پر مشاورت کے لیے ہوا پی ٹی آئی خیبر پختونخوا پارلیمانی پارٹی اجلاس بے نظمی کا شکار ہوگیا.

(جاری ہے)

وزیراعلیٰ سہیل آفریدی کی تقریر کے بعد ناراض دھڑے کے سخت جملوں نے ماحول تلخ کردیا ناراض ارکان کے سخت جملوں پر وزیراعلیٰ ناراض ہوگئے ناراض ارکان، تحفظات دور کرنے کی وزیراعلیٰ کی یقین دہانی کے باوجود اجلاس چھوڑ کر چلے گئے. نجی ٹی وی سے گفتگو میں رکن اسمبلی فضل الہٰی نے بتایا کہ پارلیمانی پارٹی کے اجلاس میں سب نے شرکت کی، ہم ناراض اراکین نے مطالبہ کیا کہ حلف لینے کیلئے کنونشن کروایا جائے، سینیٹ انتخابات کی طرح عمران خان کی رہائی تحریک پر بھی سب سے حلف لیا جائے فضل الہٰی نے کہا کہ عمران خان کی رہائی صرف باتوں سے نہیں عمل سے ہوگی، ہماری باتوں پر ناراض ہوئے.