دہلی :کاکروچ جنتا پارٹی نے مطالبات تسلیم کیے جانے کے بعد احتجاج ختم کرنے کا اعلان کردیا

حکومت کی جانب سے مطالبات منظور کیے جانے کے بعد تنظیم نے اپنا احتجاج باضابطہ طور پر واپس لینے کا فیصلہ کیا ہے. ترجمان

میاں محمد ندیم ہفتہ 25 جولائی 2026 18:33

دہلی :کاکروچ جنتا پارٹی نے مطالبات تسلیم کیے جانے کے بعد احتجاج ختم ..

دہلی(اردوپوائنٹ اخبارتازہ ترین-انٹرنیشنل پریس ایجنسی۔25 جولائی ۔2026 ) کاکروچ جنتا پارٹی کی جانب سے ترجمان نے اعلان کیا ہے کہ حکومت کی جانب سے تنظیم کے دیگر مطالبات بھی تسلیم کیے جانے کے بعد احتجاج ختم کیا جا رہا ہے ترجمان کے مطابق حکومت کی جانب سے مطالبات منظور کیے جانے کے بعد تنظیم نے اپنا احتجاج باضابطہ طور پر واپس لینے کا فیصلہ کیا ہے.

دوسری جانب پارلیمنٹ میں قائدحزبِ اختلاف راہول گاندھی نے انڈیا کے وزیر تعلیم دھرمیندر پردھان کے استعفے کو تعلیمی نظام کی اصلاح کی جانب ایک بڑا قدم قرار دیا ہے.

(جاری ہے)

راہول گاندھی نے” ایکس“ پر اپنے بیان میں کہا کہ ان تمام نوجوانوں اور طلبہ کو دلی مبارک باد جنہوں نے جمہوریت، آئین اور اپنے مستقبل کے تحفظ کے لیے سڑکوں پر نکل کر ثابت قدمی کا مظاہرہ کیا راہول گاندھی نے کہا کہ مجھے آپ سب پر فخر ہے.

انہوں نے وزیراعظم نریندر مودی سے مطالبہ کیا کہ وہ طلبہ سے معافی مانگیں، جبکہ حکومت مظاہرین کے خلاف تشدد کے ذمہ دار افراد کے خلاف فوری کارروائی کرے.