ھ*چھوٹے سولر صارفین کے لیے بڑی سہولت، 25 کلوواٹ تک سولر سسٹم پر نیپرا اجازت لازمی نہیں

نیپرا نے سولر ریگولیشنز 2026 میں ترمیم کردی، متعلقہ بجلی تقسیم کار کمپنیوں کو براہِ راست منظوری دینے کا اختیار دے دیا گیا

جمعرات 6 اگست 2026 21:15

اسلام آباد(اُردو پوائنٹ اخبارتازہ ترین - آن لائن۔ 06 اگست2026ء) ملک میں چھوٹے سولر صارفین کے لیے بڑی سہولت متعارف کرا دی گئی ہے۔ نیشنل الیکٹرک پاور ریگولیٹری اتھارٹی (نیپرا) نے سولر ریگولیشنز 2026 میں ترمیم کرتے ہوئے نیا نوٹیفکیشن جاری کردیا ہے۔نوٹیفکیشن کے مطابق 25 کلوواٹ تک بجلی پیدا کرنے والے سولر صارفین کو نیپرا سے اجازت لینے کی ضرورت نہیں ہوگی۔

(جاری ہے)

ایسے صارفین کے لیے منظوری کا عمل مزید آسان بنا دیا گیا ہے۔نیپرا کی جانب سے جاری نوٹیفکیشن کے تحت متعلقہ بجلی کی تقسیم کار کمپنی کو ایسے سولر صارفین کو براہِ راست منظوری دینے کا اختیار دے دیا گیا ہے۔اس اقدام سے چھوٹے سولر صارفین کے لیے منظوری کے عمل میں آسانی پیدا ہوگی اور انہیں نیپرا سے الگ اجازت لینے کے مرحلے سے گزرنا نہیں پڑے گا۔