بلاول بھٹو زرداری کا ہنگو میں بھارتی اسپانسرڈ دہشتگردوں کے خلاف کامیاب کاروائی پر سکیورٹی فورسز کو خراج تحسین

ہمار ے جوانوں کا لہو محض ایک قربانی نہیں ،عہد ہے قوم کبھی دہشت گردی کی قوتوں کے سامنے سر نہیں جھکائے گی، چیئر مین پیپلز پارٹی

ہفتہ 8 اگست 2026 16:41

بلاول بھٹو زرداری کا ہنگو میں بھارتی اسپانسرڈ دہشتگردوں کے خلاف کامیاب ..

اسلام آباد (اُردو پوائنٹ اخبارتازہ ترین - این این آئی۔ 08 اگست2026ء) پاکستان پیپلز پارٹی کے چیئرمین بلاول بھٹو زرداری نے ہنگو میں بھارتی اسپانسرڈ دہشتگردوں کے خلاف کامیاب کاروائی پر سکیورٹی فورسز کو خراج تحسین کرتے ہوئے کہا ہے کہ ہمار ے جوانوں کا لہو محض ایک قربانی نہیں بلکہ یہ عہد ہے کہ قوم کبھی دہشت گردی کی قوتوں کے سامنے سر نہیں جھکائے گی۔

اپنے بیان میں بلاول بھٹو زرداری نے کاروائی میں 7 دہشتگردوں کی ہلاکت کو سکیورٹی فورسز کی پیشہ ورانہ صلاحیتوں اور عزم کو سراہا ۔

(جاری ہے)

بلاول بھٹو زرداری نے کاروائی کے دوران فائرنگ کے شدید تبادلے میں شہید ہونے والے کیپٹن حمزہ اکرم کو خراجِ عقیدت پیش کیا ۔بلاول بھٹو زرداری نے شہید کیپٹن حمزہ اکرم کے اہلِ خانہ سے دلی ہمدردی اور یکجہتی کا اظہار کیا ہے ۔

بلاول بھٹو زرداری نے شہید کیپٹن حمزہ اکرم کو خراج عقیدت پیش کرتے ہوئے کہاکہ قوم اس نوجوان افسر کو ہمیشہ یاد رکھے گی جو اپنی دھرتی اور اس کے دشمنوں کے درمیان سیسہ پلائی دیوار بن کر کھڑا رہا۔ انہوںنے کہاکہ ہمار ے جوانوں کا لہو محض ایک قربانی نہیں بلکہ یہ عہد ہے کہ قوم کبھی دہشت گردی کی قوتوں کے سامنے سر نہیں جھکائے گی۔