وزیر داخلہ محسن نقوی کی بلوچستان اور خیبرپختونخوا میں کامیاب انٹیلی جنس بیسڈ آپریشنز پر سکیورٹی فورسز کی ستائش

جمعہ 21 اگست 2026 22:44

اسلام آباد (اُردو پوائنٹ اخبارتازہ ترین - این این آئی۔ 21 اگست2026ء) وفاقی وزیر داخلہ محسن نقوی نے بلوچستان اور خیبرپختونخوا میں کامیاب انٹیلی جنس بیسڈ آپریشنز پر سکیورٹی فورسز کی ستائش کی ہے ۔ اپنے بیان میں وزیرداخلہ نے فتنہ الہندوستان کے 49 دہشت گردوں کو جہنم رسید کرنے پر سکیورٹی فورسز کی پیشہ وارانہ صلاحیتوں کو سراہا ۔

(جاری ہے)

انہوںنے کہاکہ دہشتگردوں کے مذموم عزائم ناکام بنانے والے سکیورٹی فورسز کے بہادر سپوتوں پر فخر ہے۔

محسن نقوی نے کہاکہ وطن کے بہادر سپوتوں کو خراج تحسین پیش کرتا ہوں۔ انہوںنے کہاکہ قوم دہشتگردی کے خلاف جنگ میں سیکیورٹی فورسز کے شانہ بشانہ کھڑی ہے،فتنہ الہندوستان کے دہشتگردوں کو کہیں چھپنے کی جگہ نہیں ملے گی۔ محسن نقوی نے کہاکہ آخری دہشت گرد کے خاتمے تک انٹیلیجنس بیسڈ آپریشنز جاری رہیں گے۔