گورنر خیبرپختونخوا فیصل کریم کنڈی کی فریال تالپور کے ہمراہ دربارحضرت سلطان باہو آمد

بانی پی ٹی آئی کو بھی طبی سہولیات میسر ہیں اور ڈاکٹروں نے انہیں فٹ قرار دیا ہے،فیصل کریم کنڈی

اتوار 23 اگست 2026 12:45

احمد پور سیال(اُردو پوائنٹ اخبارتازہ ترین - این این آئی۔ 23 اگست2026ء) گورنر خیبرپختونخوا فیصل کریم کنڈی کی صدر مملکت آصف علی زرادری کی ہمشیرہ محترمہ فریال تالپور کے ہمراہ دربارحضرت سلطان باہو آمد۔پاکستان پیپلز پارٹی کے دونوں رہنمائوں نے مزار باہو پر حاضری دی اور فاتحہ خوانی کی ۔

(جاری ہے)

د ربار سلطان باہو پر حاضری کے بعد میڈیا سے گفتگو کرتے ہوئے گورنر خیبر پختونخواہ فیصل کریم کنڈی نے کہا کہ پی ٹی آئی کی رٹ سے متعلق عدالت نے فیصلہ کرنا ہے۔

ہر قیدی کو صحت کی سہولیات ملنی چاہئیں۔بانی پی ٹی آئی کو بھی طبی سہولیات میسر ہیں اور ڈاکٹروں نے انہیں فٹ قرار دیا ہے۔انہوں نے کہا کہ ہماری خواہش ہے کہ موجودہ حکومت اپنی پانچ سالہ آئینی مدت مکمل کرے۔جو لوگ پہلے مولانا فضل الرحمان کے پیچھے نمازوں کے بھی منکر تھے، آج وہی ان کے مسیحا بن بیٹھے ہیں۔